Nongstoin, Naiwieng 09 : Ka long ka sien kaba nyngkong ïa ka Ri Muliang baroh kawei ba ki paid nongshong shnong jong katei ka thaiñ kin ïoh ïa la ka jong ka Kali Kit Nongpang.
Kane ka kali ka dei kaba la ai da u Myntri Rangbah ka Jylla Conrad K Sangma lyngba ka Chief Minister’s Special Development Fund 2023-2024. La pyllait paidbah ia kane ka kali da u MLA ka thain u RG.Momin hynne ka sngi Palei ha Langpih.
Ka jingud jingnam palat ki paidbah ka thaiñ ka la pynlong ïa u R.G.Momin MLA ban leit kyrpad ïa u Myntri Rangbah ba un pan kali kit nongpang ia ka thain.
La ong ba u Myntri Rangbah ka Jylla tang hadien shi taïew, u la ai shisyndon haduh ar tylli ki kali kit nongpang ia ka Rambrai Constituency ba kynthup ia kawei na ka bynta ka Ri Muliang bad kawei pat na ka bynta ka Rambrai.
Ïa kitei ki kali la pyllait paidbah ha ka jingïalang ba la pynlong ha phyllaw ka Raidmynsaw Upper Primary School Langpih .
