Shillong, Naiwieng 10: Ka jylla Meghalaya kala shah pynliem ha ka Railways da 32 run ha ka jingiakhun kaba khatduh jong ka Men’s U-23 State A Trophy,kaba la pynlong da ka BCCI.
Katei ka jingiakhun kala long hynin ka sngi ha Chandigarh bad ka Meghalaya ha kane ka jingiakhun ha ka Tournament kala mad lut ia ka jingrem ha ka jingiakhun pyrshah bad ka Uttar Pradesh, Rajasthan, Assam, Andhra Pradesh, Bengal bad khatduh bad ka Railways.
Ka Meghalaya kala kawang bol nyngkong bad ka Railways kala kamai 219 run bad out lut haka 47.2 Over.
U Aryan Borah ula ioh khur 3 wiket, u Badonnam J Mylliemngap bad u Manish Sharma kila ioh mar 2 wiket, katba u PM Santhosh, Sudhir Sahani bad u Agreas Chamcham Sangma kila shim mar 1 wiket.
Haba leit ban tied ka Meghalaya, u Sachin Kumar ula kamai 41 run bad u Nishanta Chakraborty ula kamai 46 run bad watla ka Meghalaya kala pyrshang ban iakhun tyngeh ban ioh ia ka jingjop hynrei kala kamai 187 run bad hap lut kinongtied ha ka 44.5 Over.
