Shillong, Jylliew 09: U nongïalam ka National People’s Party (NPP) bad kyrtong ka MDA-II James K Sangma ula pynkhreh ban shah jied kum u Member of Parliament sha Rajya Sabha na Meghalaya khlem ka jingiakhun.
Kane kadei namar ba u dei tang marwei ba thep kyrteng kum u kyrtong na ka bynta ka elekshon kaban long ha ka 18 tarik Jylliew.
Iaka jingpeit bniah ïa ki kot ki sla na ka bynta ka elekshon MP Rajya Sabha ba marwei jong ka Meghalaya la pynlong ha ka 9 tarik Jylliew ha Assembly Secretariat.
U Returning Officer bad Secretary ka Assembly Malthus S Sangma u la lap ba ki kot ki sla jong u James K Sangma ki biang pura bad la pdiang ïa ki, ong ki heh Sorkar.
Lah ban kdew ba u James uba dei ruh u Myntri barim ka Sorkar Jylla, ula thep kyrteng ha ka 8 tarik u Jylliew ban ïakhun ïa ka shuki MP Rajya Sabha.
Namar ym don pat kiwei ki kyrtong kiba wan thep kyrteng, ka 11 tarik Jylliew ka dei ka tarik ba khatduh ban weng kyrteng bad kane kan long ka sienjam kaba khatduh shwa ban pyndep ïa ka elekshon.
 bad kyrtong ka MDA-II James K Sangma ula pynkhreh ban shah jied kum u Member of Parliament sha Rajya Sabha na Meghalaya khlem ka jingiakhun.){kind=link}