Shillong, Lber 18 : Ka Congress party kala kyntait ban pdiang ia ka rai ka Sorkar Jylla ban pynjlan sa hynriew bnai ia ka samoi treikam ka Garo Hills Autonomous District Council (GHADC) namar ka jingkulmar halor ka jingioh iashimbynta ki bar jylla bad ong ba u Myntri Rangbah ula dei ban khot shuwa ia ka jingialang jong baroh ki seng sain pyrthei.
Ka Working President ka Meghalaya Pradesh Congress Committee (MPCC) Deborah Marak kala ong ba ka party “kam kyrshan” satia ia kane ka sienjam bad kala dei ban kham pynlyngkot ia ka por.
“Hynriew bnai kala jlan palat” ong ka Deborah haba iakren bad ki nongthoh khubor ha ka sngi Balang.
Kala pynpaw ba ka Sorkar kala dep ban pyniaid beit ia ka elekshon ha ki 27 tylli ki constituency napdeng ki 29 tylli lait noh ka Shyamnagar bad Balachanda, ki artylli ki constituency kiba mih ki jingia kajia halor ka jingiashimbynta ki bar jylla.
“Kila dei ban pynsangeh shuwa tang ia kine ki arrtylli ki constituency, ailad ba kan iaid sha kiwei pat, bad sa ailad ia ka Executive Committee ba kan wad ia ki lad ki lynti ha kaban pynbeit ia ka jingeh kaba dang iaid mynta” kala ong.
Ka Deborah ka pynpaw ba ka Congress ka kyrshan ia ka jingdawa ki Achik ba ki bar jylla kim dei ban mih iakhun ia ka elekshon na Shyamnagar bad Balachanda bad pynpaw ia ka jingbym sngewtynnad ba u Myntri Rangbah Conrad K Sangma “u khlem khot ia ka jingialang jong baroh ki seng sain pyrthei”, ia kaba ka ong ba kan ailad ia ki jingai jingmut bad ban rai pynsangeh shuwa ia kine ki constituency.
Nalor kane, u Secretary ka MPCC Bah Manuel Badwar ula ong ba ka GHADC kala dei ban pynkylla ia ki rules khnang ba tang ki kyrtong riewlum kin ioh ban iakhun ia ka elekshon.
 namar ka jingkulmar halor ka jingioh iashimbynta ki bar jylla bad ong ba u Myntri Rangbah ula dei ban khot shuwa ia ka jingialang jong baroh ki seng sain pyrthei.){kind=link}