Shillong, Rymphang 24 : U Myntri ka Koit ka Khiah Bah Wailadmiki Shylla ha ka sngi Ba-ar, ula pyntip ia ka Iingdorbar ba ka Jylla ka don tang 4 ngut ki anesthesiologist, kaba synniang sha ka jingduna ki doktor specialist ha ki hospital.
“Ka don ka jingduna ki doktor haba phai sha ki specialist. Ia mynta, ngi don tang saw ngut ki anesthesiologist” ong u Bah Wailad.
U pyntip ba ka Tnad kala phah thungkam lyngba ka Medical Recruitment Board bad kala ioh ruh ia ka jingmang pisa.
Haba jubab ia ka jingkylli bala wanrah da u MLA ka TMC Dr Mizanur Kazi, u Bah Wailad ula iathuh ba ka Bhaitbari Community Health Centre ka iakynduh jingeh na ka jingduna doktor specialist, bad ka doktor gynaecologist la buh ha Tura MCH namar ka jingbym don ka Operation Theatre hangtei.
“Ki don arngut ki doktor kiba shim shuti leit pule bad…kawei ka gynaecologist la buh sha Tura MCH…namar ka jingbym treikam ka OT bad jingbym don ki anesthesiologist” ong u Bah Wailad.
