-->

Dorbar KHADC | Phah tuklar ka Liang Iatei ha u DyCM ba wanrah mang tyngka beain ka VPP

Date:

Share post:

Shillong, Jylliew 25: Ka kynhun ki dkhot ka Liang Iatei ka Khasi Hills Autonomous District Council (KHADC) ha ka sngi ba-ar, kala phah tuklar ha u Symbud Myntri Rangbah ba khmih ia ka tnad District Council Affairs(DCA) halor ka jingkynnoh wanrah jubor ka Executive Committee ka Voice of the People Party (VPP) ia ka mang tyngka ba long bei-riti ha ka Dorbar Lyiur.

Kat kum ka jingong ka Liang Iatei, u Chairman ka KHADC Bah Strong Pillar Kharjana ula leh ia ka kam ka bym pat ju jia da kaba khotban ia vote ban wanrah ia ka mang tyngka ba pura hadien ba ka Liang Iatei kala pyrshah bad phah pynbeit pyrshah ia ka rai ka EC ban kynthup ia ka Supplementary Expenditure 2024-25 ha ka mang tyngka ba pura, ia kaba ki kam ba ka long beain bad bei-riti.

Haba kren sha ki nongthoh khubor hadien ka jingialang, u Nongialam ka Liang Iatei Bah Titostarwell Chyne ula ong “Ngi la iakynduh ia u DyCM ban pyntip sha u ia ka jingjia kaba jia hapoh ka Dorbar ba iadei bad ka jingwanrah ia ka mang tyngka ba bei-riti. Kane ka EC ba mynta kam shym la iaid kat kum ka AD Rules bad ka Riti Synshar ka Ri”.

U Bah Titos ula ong ruh “Ngi la mih jyndat napoh ka Dorbar ban pyrshah ia ka jingwanrah ia ka mang tyngka khlem da iaid kat kum ka rule. Ngan pynkynmaw ia phi ba haba wanrah ia ka mang tyngka, phim ju donkam ban iavote. Ka jingia vote ka donkam tang haba wanrah ia ka demand of grant, lada don ka cut motion kata ruh lada ngim weng satia ia ka cut motion”.

Une u Nongialam ka Liang Iatei ula kynthoh ba ka rai jong u Chairman ban buh ia kane ka kam ha ka jingia vote ka dei ka bym pat ju jia satia bad ba long pyrshah ia ka rule.

“Lyngngoh, mynta ka sngi u Chairman ula buh ia kane ka kam ha ka jingia vote, ka bym pat ju jia koit ha ka histori jong ka District Council kat kum ka rule 115 (AD Rules), kaba ong ba u CEM lane u EM ba khmih ia ka kam, u lah ban wanrah ia ka mang tyngka. Kumta, ka jingkylli ban ia vote kam mih satia” ong u Bah Titos.

Haba kylli, une u Nongialam ka Liang Pyrshah ula iathuh ba u Symbud Myntri Rangbah ula pynshah skhor bha ia kaei kaba la pynsngew da ka kynhun.

“Ngi la iakren sani ia kane ka kam. U (Tynsong) ula ai ha ngi ia shibun ki jingai jingmut hynrei ngam lah ban iathuh ia kiei kita namar kim pat long ban pyntip paidbah ha kane ka khyllipmat” ula ong.

Share post:

-->
spot_img

Popular

More like this
Related

Assam | Kynthoh u CM ia jingkren u Gaurav Gagoi | Yn ujor da ka ejahar ba kynshoit briew

Guwahati, Risaw 07: U Myntri Rangbah Assam Himanta Biswa...

Meghalaya’s voter count rises to 23 lakh; Female voters outnumber males

Shillong, Oct 7: Meghalaya's voter base has swelled by...

MSSASA moves SC against TET Rule; Over 10,000 Meghalaya teachers at risk

Shillong, Oct 7: The Meghalaya Sarva Shiksha Abhiyan Schools...

Ka jingma ba rieh ka Radiation | Lap ki stad ba jur ka jingmih lyer bih na ki umpohliew ka Meghalaya

Guwahati, Risaw 07 : Kawei na ki jingtohkit saian...