Shillong, Risaw 17: U President ka Meghalaya Pradesh Congress Committee (MPCC) u bah Vincent H Pala u la ong ba jingsaphriang khubor wan iasoh biang u Dr. Mukul Sangma sha ka seng Congress ka dei tang ka khubor hamsaïa.
Haba kren sha ki lad pathai khubor u bah Pala u la ong ba haduh mynta kum u nongialam ka MPCC um pat ioh khubor satia halor ka jingkwah wanphai biang u Dr. Mukul sha ka Congress bad iaka rai ba khatduh halor kane yn hap shim hi da ki heh ka All India Congress Committee (AICC).
“Haduh mynta kam shym la don kano kano ka jing ïa kren kaba kwah wan iasoh u Dr. Mukul shaka Congress bad ia kane ka rai ruh yn hap shim bad yn hap ban iakren shwa bad ki heh ka AICC” ong u bah Pala.
U bah Pala ula ong ba ka jingkwah wan phai u Dr. Mukul ne kiwei kiwei ki MLA kiba la shah sospon bad ka party (INC), ka donkam ban iakren haka jingdon lang ki heh ka AICC ym bad ka MPCC.
Ula ong ba naka liang ka MPCC kam pat ioh ktien halor kane bad naka liang ka AICC ruh kam shym la phah ktien bad dei namar kane kum u nongialam ka MPCC um don eiei ban kynthoh.
