Nongstoin, Naiwieng 18 : Ki Coordination Committee jong ki saw tylli ki Sengbhalang, kila dawa ia u Deputy Commissioner ka West Khasi Hills ban pynieng noh da ki khilon ha man ki jaka khappud jong ka District kum ka jingpdiang burom ia ki nongwankai bad kum ka jingpynithuh ia ki jakaba sdang bad kaba kut jong ka District.
Kine ki sengbhalang ki kynthup ia ka WKSU, WYF, MYF bad ka UHM kiba la pynpaw ba ia kine ki khilon donkam ban buh ha baroh ki khappud ba kynthup naduh ka khappud ka Eastern West Khasi Hills, South West Khasi Hills, East Garo Hills bad ruh ha khappud ka Assam.
Kine ki Sengbhalang kila ai jingmut ruh ba ha kine ki khilon, dei ban buh ia ki dur jong ki riewkhraw, ki khla wait ka Jaidbynriew Hynniewtrep kum ka dak ka jingsah kynmaw ia ki.
Kine ki Sengbhalang ki pyntip ba ha ka jingiakynduh, u Deputy Commissioner ula kular ban shimkhia ia kane ka jingdawa bad ula pdiang ruh ban shim ia ki sienjan ha kaban thoh sha ki tnad ba dei peit ba kin pynioh shuwa ia ka NoC na ka National Highway bad ruh n aka Tnad PWD.
“Ngi kyrmen ba ka jingdawa kan urlong khnang ba kan long kum shibynta ban pynskhem bad pynithuh ia u pud u sam jong ka West Khasi Hills District” kila pynpaw.
