spot_img

Dawa ka WKSU bad WYF ban pynbeit ryntih ia ka rukom pynlip bording

Date:

Share post:

Nongstoin, Naitung 18: Ka seng WKSU bad ka WYF kila dawa ia ka MeECL baka dei ban pynbeit ryntih noh ia ka rukom pynlip bording haba pynpaw ba ka jingpynlip bording kam ktah ne pynjynjar tang ia ki nong Sor hynrei ia baroh salondar kynthup ki jaka nongkyndong.

Haba iakren bad ki nongthoh khubor, u Nongiala ka WYF samla Donlad Marwein ula pynpaw ba ka seng kam lah pdiang ia ka jingpynbna u CMD ka MeECL ban pynjynsur ia ka kynta pynlip bording tang ha Shillong, Jowai bad Tura, kaban long tang 2 kynta shisngi katba kiwei ki jaka kan long haduh 5 kynta.

“Balei ha Shillong Jowai bad Tura yn pynlip bording satang 2 kynta, katba ha ki jaka nongkyndong lane ha kiwei ki District, ka jingpynlip bording ka long beit 5 kynta”, u la ong bad bynrap, “Kum ia kane ka jingleh ngim sngew iahap bad ngim sngew lah ban pdiang, namar haba ka Damsite ka la dap um hynrei dang pynneh sah ia ka jingpynlip bording”.

“Lada dang hap pynlip bording ruh dei ban long ryntih ia baroh, namar mynta lah ar bnai lai bnai, ki paidbah ki la shem jynjar khamtam ha ka dong ka thain jong ngi, bun bah ki khun samla kiba trei ia ki kam ba bun jait lyngba ka bording, ki la shah ktah jur. Khamtam eh kito kiba shim da ka ram ka shah ha kaba ki shem jingeh ban siew ia ka ram ba ki shim tang na ka jingpynlip bording ba la palat pud” ula ong.

Kumjuh ruh u Nongialam ka WKSU samla D.Sun nongialam u la ban ia ka juh ka phang halor kane ka jingleh jong ka tnad MeECL bad ka sorkar. U la ong ba kane ka jingleh kaba noh tarajur, ka pynpaw pynban ba kam don ka jinglong ryntih ha ki liang baroh hapoh ka Jylla. Namar kata ki bor ba dei peit ia kane ka bynta, ki dei ban da pyrkhat sani ym ban shu noh shilliang lada dei ha sor ne nongkyndong.

Share post:

spot_img
spot_img

Popular

More like this
Related

Himanta calls Gaurav Gogoi a ‘Pak agent’, vows to expose alleged anti-India links

GUWAHATI, May 28: In a sensational political escalation, Assam...

Ngat 7 snem ha phatok u nongleh beijot khynnah

Shillong, Jymmang 28 : Ka Iingkashari Special Judge (POCSO)...

Dawa ka KHNAM ia ka KHADC ban sangeh ka lum khajna beain na ki khyrdop

Shillong, Jymmang 28: Ka Khun Hynniewtrep National Awakening Movement...

Hiar u Myntri sha Sohra ba jah ki shikurim na Indore | Pyndonkam ki Pulit iaki K9 bad drone

Shillong, Jymmang 28: U Myntri Sorkar Bah Alexander Laloo...