Shillong Jylliew 15: Ka Voice of the People Party (VPP) hynne ka sngi Palei, kala kyntu iaka sorkar jylla ba kadei ban buh jingkhein bha ia ka jingdon jong ki briew ba wan phetwir na jylla Manipur ban riehtngen ha Meghalaya namar ka jingiaumsnam ha Manipur.
Haba iakren bad ki nongthoh khubor hadien ba la wan ai iaka shithi sha u Symbud Myntri Rangbah ka jylla Bah Prestone Tynsong, u General Secretary ka VPP u Dr Ricky AJ Syngkon ula ong, ba ka seng ka dap iaka jingsngewkhia ia kaei kaba jia hapoh ka jylla Manipur khamtam eh ban tip ba bun ngut ki nongshong shnong na Manipur kila kylla phetwir ban wan shong ha ka jylla Meghalaya.
“Ngi la aiti ia ka shithi ha u Mynti Kam Pohiing ka jylla bad kyrpad ia u ba dei ban buh ia ki jingkhein kiba thikna jong ki phetwir kiba wan sha ka jylla, khnang ba tang shu wan phai ka shongsuk shongsain ha Manipur, kitei ki phetwir kin ioh ban leit phai biang sha ka jylla kaba ki wan” ong u Dr Syngkon.
“Ngi kwah ban ai ka jingiaroh iaka jingshimkhia ka sorkar jylla ba da ka jingsngew para briew ban iarap ia ki briew kiba la shah ktah naka jingiakynad ha Manipur hynrei ha kajuh ka por, da ka jingpyrkhat naka bynta ka bha ka miat jong ka jylla jong ngi bad ki paidbah, kitei ki phetwir kiba la wan sha ka jyll kidei ban leit phai biang hadien ba la wanphai ka shongsuk shongshngain haka jylla Manipur” ong u Nongialam ka VPP.
 hynne ka sngi Palei, kala kyntu iaka sorkar jylla ba kadei ban buh jingkhein bha ia ka jingdon jong ki briew ba wan phetwir na jylla Manipur ban riehtngen ha Meghalaya namar ka jingiaumsnam ha Manipur.){kind=link}