Shillong, Jylliew 15 : Ki Pulit ka Anti Narcotics Task Force (ANTF) ka East Jaintia Hills, hynne ka sngi Palei kila ioh bankem ia uwei u nongkhaii droks ba 41 snem na Manipur bad ioh kurup ia bun bah u droks heroin.
Une u briew u kyrteng u Shokhothang Touthang bad la kem ia u na Nongsning, ha ka jingtalasi kali ha BMS Fuel Station, ong u Superintendent of Police ka District Jagpal Singh.
Ka kynhun ANTF kala ioh ban kurup haduh 278.03 gram u heroin uba la thep ha ki 26 tylli ki synduk sabon.
Kat kum ka jingong jong une u Heh Pulit,u Touthang u dei uba wan na Aizawl bad u don jingthmu ban wan rah droks sha Shillong.
Ha kawei pat ka jingjia, ki Pulit ka East Jaintia Hills kila ioh ban kem sa ia uwei u nongkhaii ba kyrteng u Sujit Paul bad ioh kuru ia u droks ba khia haduh 353.34 gram bala thep ha ki 33 tylli ki synduk sabon.
Ia une u briew la ioh ban kem na kawei ka kali Mahindra Scorpio MZ01-D-6525 ha kaba ula phla ruh ba u don jingthmu ban pynpoi ia une u droks sha Shillong.
Ki Pulit kila register case pyrshah ia kitei ki nongkhaii droks ha Khliehriat Police Station bad ka jingtohkit mynta kala iaid sahkhmat ban lap ia ki briew kiba ju iapyniaid iew lang ia u droks bad kine ki arngut.
 ka East Jaintia Hills, hynne ka sngi Palei kila ioh bankem ia uwei u nongkhaii droks ba 41 snem na Manipur bad ioh kurup ia bun bah u droks heroin.){kind=link}