Shillong Jylliew 15 : Ki Pulit ka Mawlai Police Station, kila kem ia uwei u briew hynnin ka miet sngi Balang halor ka jingkynnoh ba u pyniap iala ka jong ka kurim ba dang armet.
Une u briew u kyrteng u Trophius Nongbri uba la kynnoh pyniap iala ka kurim ka Kong Stefani Lyngdoh Nonglait kaba dang pun arbnai ia I Khunlung ha kpoh. Kine ki shikurim ki dei kiba sah hajan ka Lum Jingtep ka Phudmuri Presbyterian kaba hap ha Mali-I, Mawlai Mawdatbaki.
Ki Heh Pulit ki pyntip ba ka jingkem ia une u briew kala jia hadien ka jingioh pdiang ia ka ejahar na ka Para kane ka Longkmie ka kong Amanda Lyngdoh Nonglait halor ka jingsuba jur ba kane ka Hynmen ka shah pyniap hala u jong ki kurim namar ka jingpher ka rukom iap jong ka bad ka jingdon dak ha ka ryndang.
Ka kong Amanda kala pyntip ruh ba ki bahaiing hasem kila ioh jingtip ia ka jingiap kane ka Hynmen na une u Hynmen Kynsi uba la kam ba ka Kong Stefani kala dkhat jubor iala ka jong ka jingim.
Ki Heh Pulit ki pyntip ba kila register case pyrshah ia une u briew kat kum ka ejahar bad ka jingtohkit mynta ka dang iaid shakhmat ban lap ia ka jingshisha.
Ki Pulit hynne ka sngi kila leit ialam biang ia u Trophius sha kane ka iingsah ban batai ba kumno u lap iala ka jong ka kurim. Ki pulit kila ialam ruh ia u ksew K-9 ban sma.
Ia ka metiap jong ka kong Stefani la aiti noh sha ki bahaiing hadien bala pyndep ia ka post mortem ha NEIGRIHMS Hospital.
