Shillong, Jylliew 15: Ka Hynniewtrep Achik National Movement (HANM) hynne ka sngi Palei, kala dawa naka sorkar jylla ba kan iakren bad ka Election Commission of India (ECI) ba kan thung daka kynhun tohkit ka ban tohkit ia ka jingdon artylli ki EPIC Card da ki Nongshongshnong ka thain Langpih West Khasi Hills.
Ka HANM haka jingialam u President bah Lamphrang Kharbani kila leit ban iakynduh ia u Myntri sorkar jylla bah Paul Lyngdoh uba dei u Chairman jong ka Regional Committee West Khasi Hills, ba kan shimkhia lang bad ka ECI ha kaba iadei bad ka jingdon ki briew kiba pyndonkam artylli ki EPIC hapoh ka thain Langpih.
Haba kren sha ki lad pathai khubor u General Secretary ka HANM bah Kyllang Thongni ula ong ba ki bun ki nongshong shnong ka thain Langpih khamtam ki bar jylla kiba pyndonkam haduh 2 tylli ki EPIC naka bynta ban ioh skhim na baroh artylli ki jylla kata ka Meghalaya bad Assam.
U bah Kyllang ula kynnoh ba kane ka jingbat 2 tylli EPIC Card ki paidbah ha ki thain Langpih bad kiwei ki shnong khappud ka buh ha ka jingeh ia baroh artylli ki jylla ban pynbeit ia u pud u sam namar ki paidbah ki kwah beit ban ioh skhim na baroh artylli ki sorkar jylla.
“Ka seng kala dawa na u Myntri ban iakren bad ka ECI ba kan thaw ia ka kynhun tohkit ban tih bniah halor kane ka jingbat 2 tylli EPIC khnang ban lah pyniaid beit iaid ryntih iaka jingiapynbeit pud hapdeng ka Meghalaya bad Assam” ong u bah Kyllang.
Ka HANM kala dawa ruh na u Chairman ka Regional Committee West Khasi Hills ba ka jingiapynbeit pud kam dei tang daka ba pyni ia ki EPIC Card hynrei ka dei ban iaid katkum ki kot ki sla haba iadei bad ka jinglong trai iaka khyndew ka shyiap.
 hynne ka sngi Palei, kala dawa naka sorkar jylla ba kan iakren bad ka Election Commission of India (ECI) ba kan thung daka kynhun tohkit ka ban tohkit ia ka jingdon artylli ki EPIC Card da ki Nongshongshnong ka thain Langpih West Khasi Hills.){kind=link}