Shillong, Jylliew 09 : Ka Jaintia National Council (JNC) Western Zone, ha ka sngi Ba-ar, kala iakynduh ia u Myntri ka Tnad Pule Puthi Bah Lahkmen Rymbui bad kyrpad ba un tuklar lem ha kaban pynmih noh mardor iaka jingpynbna lait kam na ka bynta ki kam nonghikai ba lait ha ki skul Upper bad Lower Primary, haba ban jur ba palat 31,000 ki kyrtong bala pass ia ka MTET, kila apkam katba da ki spah tylli ki kam kila dang lait thylli ha kylleng ka Jylla.
Hapoh ka jingialam u President Hamehi Bamon, ka kynhun kala aiti ruh da ka dorkhas sha u Myntri.
Ha ka jingialang, ka seng kala pynpaw ba ki don kumba 677 tylli ki kam nonghikai kiba dang lait ha ki skul Sorkar ha kylleng ka Jylla, ha kaba ka jingduna ka dei kaba la sngew ha ki district naduh ka East Khasi Hills sha South Garo Hills.
Ki kam kiba lait ki kynthup naduh Shillong bad Sohra ha East Khasi Hills, Nongpoh ha Ri-Bhoi, Nongstoin bad Mairang ha West bad Eastern West Khasi Hills, Mawkyrwat ha South West Khasi Hills, Jowai bad Amlarem ha West Jaintia Hills, Khliehriah ha East jaintia Hills, Tura bad Dadenggre ha West Garo Hills, Ampati ha South West Garo Hills, Williamnagar ha East Garo Hills, Resubelpara ha North Garo Hills bad Baghmara ha South Garo Hills.
Ka JNC kala pyntip ha u Myntri ba ka jingpynslem kala ktah jur bha ia ki kyrtong kiba la pass ia ka MTET namar ba bun na ki, ki dei kiba la jan ne la palat ia ka rta ioh kam.
“Palat 31000 ngut ki kyrtong kila pass ia ka eksam MTET. Hynrei, bun na kine ki kyrtong kila jan lane la tam ia ka rta ioh kam, kaba pynsngewkhia halor ka jingleh hok bad ka jingduhlad ban iohkam” ong ka seng ha ka dorkhas.
Kala kyrpad ia ka Sorkar ban leh eiei noh khlem da pynslem shuh khnang ban pynthikna ia ka jingtreikam kaba shai bad ka rukom jied kaba kynthup lang bad ban leh eiei ia ka jingduna nonghikai kaba la ktah beit beit ha ki kamra klas.
Ka Seng kala ban jur ba ka jingnang hiar ka rukom ai jinghikai ha Meghalaya ka dei kaba don jingiadei bad ka jingduna ha ka jingdon ki nonghikai.
Haba kren hadien ka jingialang, u Bah Bamon ula ong ba ka jingthep briew noh ha kine ki kam kan pyndep ia artylli ki jingthmu ha ka shisien leh.
“Ka jingpynbun ia ki nonghikai kan ym weng tang ia ka jingbym iohkam iohkam hapdeng ki kyrtong kiba la pass hynrei kan kyntiew ruh ia ka pule dangle kaba bha ha Meghalaya” ula ong.
“U Bah Rymbui ula kular ba ka Sorkar kan sa shim ia ka sienjam kaba donkam bad ka lah ban pynmih ia ka jingpynbna lait kam jong kine ki kam ba lait hapoh kine ki khyndiat bnai ban wan” ong u Bah Bamon.
 Western Zone, ha ka sngi Ba-ar, kala iakynduh ia u Myntri ka Tnad Pule Puthi Bah Lahkmen Rymbui bad kyrpad ba un tuklar lem ha kaban pynmih noh mardor iaka jingpynbna lait kam na ka bynta ki kam nonghikai ba lait ha ki skul Upper bad Lower Primary, haba ban jur ba palat 31,000 ki kyrtong bala pass ia ka MTET, kila apkam katba da ki spah tylli ki kam kila dang lait thylli ha kylleng ka Jylla.){kind=link}