Da ka phlim pyllait ki pulit Delhi ban pynsangeh ia ki kam banbein pyrshah ia ki briew na ka thain Northeast

Date:

Share post:

Guwahati, Naitung 30: Ki bor pulit ka Delhi ki la shim da ka sienjam ka ba thymmai ha ka jingpyrshang ban tehlakam ia ki kam banbein pyrshah ia ki briew ki ba dei na ka thain shatei lammihngi (Norteast) jong ka ri India.

Ka mat jong kane ka sienjam ka long; “To ngin pynsangeh shisyndon” ia ki kam ban bein pyrshah ia ki briew na ka thain Northeast, ong u heh sorkar.

Shi bynta jong kane ka sienjam, ki pulit ka Delhi ki la wan shakhmat lyngba ka phlim lyngkot ka ba kren halor ka jingkdup ia ki briew ki ba dei na ka thain Northeast bad ban pynduh ia kata ka jingbym sngew shngain hapdeng jong ki.

Ia kane ka phlim ka ba 15 minit la pyni ruh lyngba ka DD Assam ha kane ka sngi Palei ba la lah, bad shen yn sa pyllait ha ka YouTube channel jong ki pulit ka Delhi nalor ki rynsan social media ki jong ka.

Kane ka phlim ba la thoh da ka Madhumita Chakraborty ka ba shong ba sah ha Delhi bad ka ba dei ruh ka nongpathai khubor na ka jylla Tripura, ka pyni ia ki ba bun ki riew pawkhmat na kane ka thain Northeast, kata kum ki nongjop ha ka Olympic, ka Mary Kom, ka Mirabai Chanu bad ka Lovlina Borgohain.

Kane ka phlim ka pynpaw ruh halor ki ba bun ki sienjam ba la shim da ki bor pulit ka Delhi na ka bynta ki briew ki ba dei na kane ka thain Northeast.

“Ka ri ka ai ka jingiaroh haba ki nongshong shnong ka India ki ba dei na ka thain Northeast ki ioh ia ka jingjop ha ki jingialehkai Olympic bad ha kiwei pat ki jait jingialehkai. Ngi pynpaw ka jingkmen halor ka jingshakri ka jong ki man ka sngi. Hynrei watla katta ki ba bun na ngi ngim shym la ieng ban pynpaw pyrshah halor ki katto katne ki jingialam bakla hapdeng jong ngi da ka ba pynmih ia ki jingkynthoh pyrshah ia ki kum ki.. Chinky, Momo, Nepali, Bahadur, Corona…,” ong ka jingthoh jong katei ka phlim.

“Ki ba bun na ki nong India ki ba dei na ka thain Northeast ki ba dei na Ladakh bad Darjeeling ki ba shong ba sah ha ki sorbah bad ki sor rit ha kylleng ka ri namar ki jingpule bad ki jingtrei jingktah ki jong ki ki la ngat ha ki ba kum kitei ki jingshah kynthoh ki ba long halor ka jingiapher ha ka sniehdoh bad ka ba ktah jur halor kata ka jingsngew shngain ha la ka jong ka ri,” kdew shuh shuh katei ka jingthoh.

Shuh shuh ka la ong ruh ba ki briew ki ba dei na ka thain Northeast khamtam kito ki ba don ia ka durkhmat ba sympiaw (mongoloid features) ki dei ki ba kham shah ban bein shuh shuh.

“Nga ruh nga wan na ka thain Northeast hynrei ngam don ia ka ba kum kane ka dur. Ki briew ki ba don ia kane ka durkhmat kidei ki ba kham shah banbein shuh shuh,” ong katei ka nongpathai khubor.

Na ka liang ka Deputy Commissioner of Police (Delhi Police PRO) ka Suman Nalwa ka la ong ba ka tnat pulit ka kwah ban pynthikna sha ki nongshong shnong jong kiwei pat ki thain ba ngi dei ki dkhot jong kawei ka kynhun hapoh ka ri.

“Lada ki briew na kiwei pat ki thain jong ka ri ki sngew ba kim don jingshngain, ki lah ban pyntip sha ngi bad ngin leh ia ka ba bha tam ban pynthikna ba ngin pyllait ia ki na katei ka jingsngew bym shngain bad ban shim ia ki sienjam ban pynthikna halor ka jingshngain ka jong ki,” ka la ong.

Shuh shuh na ka liang ki pulit ka Delhi ki don ruh ia ka jingthmu ban pyni kyrpang ia kane ka phlim na ka bynta ki briew ki ba dei na ka thain Northeast ki ba shong ba sah hapoh Delhi.

Share post:

spot_img

Popular

More like this
Related

BJP Mahila Morcha Leader seeks judicial intervention in South West Garo Hills rape incident

Shillong, April 22: In a letter to the Honourable Chief...

Election Commission of India orders repoll in 8 polling stations in Arunachal Pradesh

Itanagar, April 22: The Election Commission of India has...

Fresh polling underway in 11 polling stations in Manipur amidst heavy security

Imphal, April 22: Amid tight security on Monday, fresh...

Arunachal : Hukum ka ECI ban pynthep vote biang ha 8 tylli ki Polling Station

Itanagar, Iaiong 22 : Ka Election Commission of India...