Shillong, Kyllalyngkot 25: Ka long ka sngi kaban sah jingkynmaw ia ka rilum Garo hynne ka sngi Saitjain, kaba la ioh ban pynlong ia ka jingialehkai Cricket ka BCCI ha madan Alotgre, kaba dei ruh ka sien ba nyngkong ban pynlong ia ka jingiakob ialehkaika BCCI jong ka U-23 Men’s Col CK Nayudu Trophy 2024-25 hapdeng ka jylla Meghalaya bad ka Bengal.
Ha kane ka jingialehkai kaba saw sngi, ka Bengala kala jied ban kawang bol nyngkong bad ka Meghalaya kala leit ban tied nyngkong kala kamai 133 run katba ka Bengal kala kamai 116 run bad hap 4 wiket bad ki donkam ban kamai sa 17 run ban tam ia ka jingkamai run ka Meghalaya.
Hashwa ban sdang ka jingiakhun ka MCA kala pynkup burom ia ka kynhun ialehkai kaba wan nabar jong ka jylla bad kumjuh ia ki nongpyniaid jong katei ka jingialehkai. Ha kaba la iadonlang u President ka MCA u Naba Bhattacharjee, u Honorary Secretary ka MCA u Bah Gideon Kharkongor, u Joint Secretary u Chiang D Shira, u President barim ka MCA u Danny Marak, ki nongialehkai kiba rim bad kiwei kiwei.
U Kush Agarwal ula kamai 29 run, u Swastic Chettri ula kamai 26 run katba u nongkawang bol ka Bengal u Rahul Prasad ula ioh khur 4 wiiket.
Ka Bengal kala kamai 32 run bad hap 3 wiket hynrei u Prayas Ray Barman ula ialehkai bha da kaba 31 run katba u Rishabh Chaudhary ula kamai 33 run bad ka Bengal haduh hynne ka sngi kala kamai 116 run bad hap 4 wiket.
U Manish ula ioh 2 wiket katba u Bipin Kr Ray bad u Abhishek Kumar kila ioh mar 1 wiket.
