Ranji Trophy | Dang kyrthat ka Meghalaya ban beh ia ka thong ka Odisha

Date:

Share post:

Shillong, Kyllalyngkot 25: Ka Meghalaya kaba la leit ban tied haka sien ka baar ha ka Ranji Trophy hynne ka sngi Saitjain kala kamai 221 run bad hap 6 wiket katba ka Odisha kala pynkut noh ia ka jingtied ka jongka ha ka sien kaba nyngkong da kaba kamai 548 run bad hap 7 wiket.

Ka Meghalaya ka dang donkam ban kamai sa 129 run ban beh ia katei ka run jong ka Odisha.

Ha kane ka jingiakhun jong ka sngi kaba saw, ka Odisha kala bteng ban tied biang da kaba la dep ban kamai lypa 523 run bad hap 7 wiket hynrei tang hadien ka 3 over kala pynbna noh ban ailad iaka Meghalaya ba kan tied ha ka sien ka baar, tang hadien ba u Rajesh Dhuper ula ioh iaka Century da kaba kamai 102 run.

Ranji Trophy | Dang kyrthat ka Meghalaya ban beh ia ka thong ka Odisha

Ka Odisha kala tam da 350 run ia ka Meghalaya kaba la kamai 198 run ha ka jingleit tied ha ka sien kaba nyngkong.

Haba ka Meghalaya kala leit tied ha ka sien ka baar, kala lah ban ialehkai bha da kaba kamai 221 run bad hap 6 wiket, u Nishanta Chakraborty ula kamai 38 run, u Anirudh B ula kamai 20 run bad kine baroh arngut kila shah pyn out noh ha u Sunil Kumar Roul uba la ioh khur syndon 3 wiket.

U Jaskirat Singh Sachdeva bad u Sumit Kumar uba la kamai 51 run kila pynthikna ba ka Meghalaya kan poi ban tied haduh ka sngi kaba kut kaba dei ka sngi kaba saw jong ka jingiakhun kaban long ha ka sngi u Blei.

U Jaskirat ula kamai 53 run bad ym shim la out bad u Wanlambok Nongkhlaw ula kamai 19 run ym pat out satia bad kine kin bteng ban tied biang lashai ka sngi.

Ka Meghalaya ka donkam ban kamai sa 129 run ban tam ia ka jingkamai run ka Odisha.

Share post:

spot_img

Popular

More like this
Related

NPP to retain power in Khasi and Jaintia Hills polls, CM ask voters to stay away from communal politics

Shillong, Feb 15: NPP chief and Meghalaya Chief Minister...

KHADC Elections | Deputy CM vows to resolve sand and stone mining ban in Meghalaya

Shillong, Feb 15: National People's Party (NPP) state president...

Bthah ka Sorkar ia ki skul ban pynrung kyrteng ha ka APAAR

Shillong, Feb 15: Ka tnad pule puthi ka jylla...