Shillong, Naiwieng 03: Ka Meghalaya kala lah ban kamai tang 102 run bad hap lut ki wiket ha ka jingiakhun pyrshah ia ka Goa ha ka jingiakhun ia ka U-23 Men’s Col CK Nayudu Trophy Elite Group kaba la long ha MCA Ground hynne ka sngi.
Ka sngi nyngkong jong kane ka jingiakhun ha ka nsgi u Blei kala pulom noh na ka jingslap bad kane ka jingiakhun kala ioh ban sdang hynne ka sngi bad la pynialehkai tang hapoh jong ka 30 Over.
Ka Goa kala jied ban kawang bol nyngkong bad haba ka Meghalaya kala leit ban tied kala kamai tang 102 run bad hap lut ki nongtied ha ka 28.1 Over.
Haba ka Goa kala leit ban tied, u Veer Yadav u nongtied ka Goa ula shah pynhap khlem kamai eiei ha u nongkawang bol ka Meghalaya u PM Santhosh hynrei namar ka jingkah dum u lyoh bad namar ka jingbym shai ka suinbneng kumta la pynkut noh ia kane ka jingiakhun ha kaba kaba Goa kala kamai 4 rung bad hap 1 wiket.
Haba phai sha ka jingleit tied ka Meghalaya kala hap kloi ki nongtied ha kaba kala kamai 40 run bad hap 6 wiket, hynrei u Manish Sharma ula lehkai bha marwei da kaba kamai 33 run katba u Gavineal Marpna ula kamai 22 run.
U Vinayak G Kunte ula ioh 4 wiket bad ai 15 run, u Deep Kasvankar ula ioh 2 wiket bad ai 14 run bad u Anuj Yadav ual ioh shi wiket bad ai 14 run.
Mynta ka sah sa tang 2 sngi ia kine ki kynhun ban ialehkai bad baroh kan shong ha ka jingling jingman jong ka suiñbneng.
