Shillong, Lber 22 : U Myntri Rangbah ka Jylla Conrad K Sangma hynne ka sngi Balang, ula pynpaw ba kan shimpor kumba hynriew haduh phra snem ia ka Meghalaya ban ioh ia ka National Games hapoh ka Jylla.
“(Kane ka dei namar) ki don lai tylli ki Jylla hashuwa jong ngi ki bym pat ju pynlong ia ka National Games. Watla ngi la biang lut nadong hadong, ka kabu kan wan lehse ha ki 6-8 snem ban wan” ong u Conrad haba jubab ia ka jingkylli bynrap bala wanrah da u MLA ka Congress na Umsning Dr Celestine Lyngdoh la ia ka National Games la pynpep noh namar ka jingbym pat biang ki jingdonkam/jingtei hapoh ka Jylla.
Kat kum ka jingong jong u, ka Goa ka dei kawei na ki lai tylli ki Jylla kiba don ha ka thup ba hakhmat eh haba bynrap ba kam dei satia namar ka jingbym pat biang ki jingtei ba ka National Games kam shym la long hapoh ka Jylla.
U Myntri Rangbah ula pyntip ba ka Jylla kala shimkhia bha ban wanrah ia baroh ki jingtei bad ki jingdonkam ba donkam baroh na ka bynta ban pynlong ia ka National Games.
Shuwa kane, haba jubab ia ka jingkylli bala wanrah da u MLA ka Congress na Nongstoin Bah Gabriel Wahlang, u Myntri ka Tnad Sports & Youth Affairs bah Shakliar Warjri ula ong ba ka Sorkar ka don jingthmu ban shna bad kyntiew ia ki madan ialehkai hapoh ka Jylla.
“Shibun ki jingtei la tei bad ngi la phah ruh ia katto katne ki jingtyrwa sha ka Sorkar Pdeng hynrei ngim pat ioh pdiang ia ka jingbei tyngka” ong u Bah Shakhliar.
Pule lang ia kane: Pyntip u CM ban sdang lashem bnai ka jingiakren pynbeit pud jong ka kylla kaba-ar
