Shillong, Naiwieng 15 : Uwei u samla ula duh noh iala ka jingim bad kawei pat ka samla kala mynsaw jur haba ka thuk thuk ba ki iashong, kala shah tynrah ha ka kali kaba synran ia ki heh ki hain kiba iabeh ban leit sha ka tamasa Cherry Blossom ha Bhoirymbong.
Kat kum ka khubor Pulit, kane ka jingjia kala jia ha ka por 5:30 baje eiei ha ka thain Umsaw ba marjan ka ICAR. Ka thuk thuk ba shong kine ki samla ka dei kaba don u nombor ML05-AD-0566.
Ki Pulit ki iathuh ba ia une u samla ba khlad la tip kyrteng u H Rymbui uba dei na ka shnong Nongtalang, West Jaintia Hills District.
Ia kine ki samla la pynkit noh sha Holy Cross Hospital kaba don ha Umsaw hynrei ki doktor kiba pynbna ba u samla H Rymbui ula khlad.
Ki Pulit kila register case halor kane ka jingjia bad ka jingtohkit mynta kala iaid shakhmat.
