Byrngem pahara hi ka KSU ha khyrdop Infiltration ba iohrung laitlan ki bar Jylla

Date:

Share post:

Nongpoh, Lber 14 : Ka Khasi Students Union –North Khasi Hills District, kala byrngem ban leit pahara bad talasi kali hi dalade ha khyrdop Infiltration (Anti Infiltration Check Gate) kaba don ha Byrnihat namar ka jingioh rung laitlan palat jong ki bar jylla khamtam ki nongbylla kiba rung khlem khot khlem sla.

Kane ka jingbyrngem kala mih hadien ba ka KSU-North Khasi Hills kala ioh ban kem haduh 90 ngut ki bar Jylla kiba thmu ban leit trei bylla sha ki karkhana coke kiba don ha Ri-Jaintia dang shen. Ka jingkynnoh kala mih ruh ba kine ki bar jylla kila siew pisa T. 4000 sha ka khyrdop ka Tnad Pulit ban ioh rung sha Jylla.

Ki Nongialam ka KSU-NKH hapoh ka jingialam u Organising Secretary Lester Nongbet, hynne ka sngi ba-ar, kala hiar hi dalade ban leit iakynduh ia u Officer Incharge ka Anti Infiltration Check Gate, ban pan jingpynshai halor ka jingioh rung kine ki bar jylla ba khlem kot khlem sla.

Haba iakren bad ki nongthoh khubor hadien ka jingiakynduh ia une u Heh Pulit, u samla Lester ula pynpaw ia ka jingsngewkhia kaba jur halor ka jingdkoh ka rukom treikam jong kane ka Tnad ban pyrrkhing bha ia ka rung ka mih jong ki bar Jylla ne mynder ri.

“Lada kane ka rukom treikam ka Tnad Infiltration ka dang iai bteng, khlem pep, kan buh shisha ia ka lawei jong ka Jylla bad ki paid Khasi khara hapdeng ka jingma kaba khraw” ula ong.

Ha kajuh ka por, une u Nongialam ka KSU ula pynpaw ia ka jingsngewkhia ba watla ka Jylla kala pyntreikam ia ka ain Workman Act, 2011 bad ka Meghalaya Residential Safety and Security Act, 2016, hynrei sngewsih pat ba ka jingrung kyrthep ki bar jylla ba khlem kot khlem sla ka la nang jur shapoh ka Jylla.

“Ka jingioh rung laitlan jong kine ki briew (bar Jylla) ka long shisha ka jingduhnong kaba khraw ia ki paradoh parasnam namar ka jingkyrduh kam kyrduh jam kan sa nang jur hapoh kane ka Jylla” ula ong.

“Lada ka sorkar kam kheiñ kor bad shimkhia ne ban pyntreikam thikna ïa ka tnad Infiltration ha Byrnihat da kaba pynbit pynbiang ïa ki jingdonkam baroh kiba kynthup naduh ki briew ban trei bad wat ki kali ha kane ka jaka, ka seng KSU ka long kaba kloi ban mih ha kaban ïeng pahara hi ha kane ka khyrdop ban pyrrkhing hi ïa ka jingrung tuh jong ki bar jylla”, ong u samla Nongbet.

Une u Nongialam ka KSU ula ong ba ki briew kiba lah ban rung ne mih shapoh ka jylla Meghalaya, ki dei tang kito kiba don ïa ki kot ki sla ba biang kum ka EPIC, Aadhar ne ka Pan card ban pynshisha ba ki dei ki nong India ba pura, da kaba bynrap ruh, ba ka sorkar ka dei ban pyntreikam pyrkhing bha ïa ka aiñ jong ka Meghalaya Inter-State Migrant Workmen Rule 2011.

Share post:

spot_img

Popular

More like this
Related

Iasoi MoU ka Sorkar ban seng ia ka Green Skill Academy ki samla ha Shillong

Shillong, Rymphang 28 : Ka Sorkar Meghalaya hynne ka...

Pan jingmut ka BJP na u paidbah ban pynkhreh ia ka Manifesto elekshon Lok Sabha

Shillong, Rymphang 28 : Kum shibynta jong ka ‘Viskit...

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...