Shillong Naiwieng 12: U Myntri ka sorkar jylla u Bah Sanbor Shullai ha ka sngi saitjain ula buh ia u mawnongrim na ka bynta ban tei iaka Iewdak kaba thymmai ha Iewdak Laban ha ka jinglut jingsep kaba kot 14 Klur 27 Lak Tyngka.
Ia kane ka jingtei iaka iew kaba 4 Mala, la bei tyngka da ka North Eastern Council ha ka jinglut kaba kot 14 Klur 27 Lak tyngka bad la buh por ban tei pyndep ia kane ka iew hapoh 2 snem.
U Executive Engineer ka SMB u Bah FB Chyne ula ong, ia kane ka iew yn tei saw mala ha kaba kan don ruh ka Parking Lot ha ka Ground Floor bad yn bhah iaki 74 tylli ki dukan sha ki nongdie kiba la shong dukan lypa haka Iewdak kaba mynta bad ula ong ba kan don ruh ka Lift ban pynsuk iaka leit ka wan ki nongwan iew bad kawei ka Hall ban ioh ban pyndonkam.
Ula iathuh ba kane ka kam kala urlong namar ka jingshimkhia u Bah Sanbor ha kaba ka NEC kala ai jingmynjur bad la pynkhreh iaka DPR lyngba ka jingiatreilang bad ka NEC.
U Bah Sanbor Shullai ula ong, ba la sdang ban phah iaka jingtyrwa bad kila iashong pyrkhat la bunsien hakor kane ka kam bad lada iaka DPR lanpynkhreh bad pynwandur da ki heh ophisar ka SMB bad NEC kiba kynthup ia u bah Shibor Shullai bad u Bah FB Chyne.
Ula ong, kane ka iew kadei ka pliangja kaba la pynmih ia ki heh ophisar sorkar bad I kmei jongu ruh I shong die jingdie ha kane ka Iew.
U Bah Sanbor, ula iathuh ba yn sa shong jingialang bad ki nongiew ba kin shong dukan shwa shipor ha ka jaka kaba marjan khnang ba kin myntoi hadien habud ynda kila ioh da ka iew kaba paka kaban pynsuk syndon iaki.
