Shillong, Jylliew 23 : U Symbud Myntri Rangbah ka Jylla ba khmih ia ka Tnad kam Pohiing (Police) Bah Prestone Tynsong, hynne ka sngi Thohdieng ula pyntip ba ka Sorkar kala dep bthah ia baroh ki Deputy Commissioner ba kin buh jingkhein bha halor ka jingdon jong ki phetwir kiba wan phet na Manipur sha Meghalaya.
“Ngi la dep bthah ia baroh ki Bor District ba kin long kiba pynkhreh ban ioh jingkhein ba katno ngut ki briew (Manipuri) kila wan poi ha Jylla bad haduh katno sngi kila don hangne bad lano ba kin leit phai biang” ong u Bah Prestone haba iakren bad ki nongthoh khubor.
Ula pyntip ruh ba la bthah ia ki Autonomous District Council (ADC) ba kin peitlang halor kane ka bynta bad ki ruh kila dep pynmih ia ki jingbthah sha baroh ki Dorbar Shnong.
U Bah Prestone ula pynpaw ba um pat don jingtip ba katto katne ngut ki briew na Manipur kila shah pyndik hapoh ka Jylla.
“Ka Secretariat kam dei kaba jngai bad kito ki liang manla kiba shah ktah, lada ki mad ia kum kine ki jingeh, ka jingkhang jong ngi ka plie beit ia ki ba kinwan bad iakynduh ia nga lane ia u Myntri Rangbah ne ia ki Myntri Sorkar…ngi don beit hangne” ula ong.
Pule lang ia kane: Sam doh kyndang u CEM ka KHADC : Bat halade ia ka Pla tyngka, Bah PN Syiem ia ka Elaka, Grace ia ka Market
 ba kin peitlang halor kane ka bynta bad ki ruh kila dep pynmih ia ki jingbthah sha baroh ki Dorbar Shnong.){kind=link}