Shillong, Jylliew 23 : U Symbud Myntri Rangbah ka Jylla Bah Prestone Tynsong hynne ka sngi Thohdieng, ula ong ba ka jingiakren iasuk ba pura bad ka Hynniewtrep National Liberation Council (HNLC), kan sa sdang noh hi shen.
“Ka jingiakren ba pura kan sa sdang noh shen hi” ong u Bah Prestone haba iakren bad ki lad pathai khubor.
“Kalah dei ban dep lehse ar-lai sien ka jingiakren hynrei namar ka jingjia ha Manipur, ka Sorkar India kam shym la lah ban pynlong ia ka jingiakren hynrei shen, kane ka jingiakren ba pura kan sa urlong noh” ula bynrap.
Haba phai sha ka jingpynkynriah ia ka Them Metor, u Bah Prestone ula pynpaw ia ka jingsngew skhem ba shen yn sa lah ban pynbeit shirta syndon ia kane ka kam.
“Haba iadei bad kane, ngan ym kren than namar mynta ka dang don ha Iingkashari High Court….namar kata sngewbha ynnai kylli thain ia nga halor kane ka kam hynrei na ka liang ka Sorkar hi bad naka liang jong ki (Harijan), ngi la ia mynjur bad nga thikna ba shisien ka sngi ngin sa lah ban wanrah ia ka lynti iakynduh ba shirta” ula ong.
Pule lang ia kane: Mondal : Donkam ka Meghalaya ia ki Renewable Energy ban lah pyndap bording
, kan sa sdang noh hi shen.){kind=link}