Shillong, Iaiong 27: Ka Green Tech Foundation (GTF) kala byrngem ban ujor sha Meghalaya High Court bad kumjuh sha ka National Green Tribunal (NGT) lada ki bor Sorkar Jylla kim shimkhia mardor halor ka jingshah tap ka Wah Thangsniang kaba don ha Garoline Laitumkhrah.
Ha kane ka sngi, ki nongialam ka GTF kila leit jurip ia ka jingpyntrei ha Garoline Laitumkhrah bad la shem ba kiba pyntrei ia kawei ka iing, kila tap ruh ia ka Wah Thangsniang.
Haba kren sha ki lad pathai khubor, u Chairman GTF u Samla H Bansiewdor Nonglang ula ong, ba kane ka jingtei kala wanrah ia ka jingkyntur ha ka Wah bad kane ka long pyrshah iaka Water bodies Reservation and Preservation Guidelines 2023.
U samla Bansiewdor ula iathuh ba ka Foundation kala dep ban ujor sha ka Meghalaya State Polution Control Board (MSPCB), sha ka Shillong Municipal Board (SMB) bad sha ki bor District haba iadei bad ka jingshah kyntur pud ka Wah Thangsniang.
“Ki Wah kim dei jong ki riewshimet namar kata ka Foundation ka pyrshah jur ia kane ka jingshah kyntur pud ka Wah Thangsniang bad lada ki bor Sorkar kim leh eiei halor kane, ka GTF kan ujor sha Meghalaya High Court bad NGT” la ong u Bah Bansiewdor.
 kala byrngem ban ujor sha Meghalaya High Court bad kumjuh sha ka National Green Tribunal (NGT) lada ki bor Sorkar Jylla kim shimkhia mardor halor ka jingshah tap ka Wah Thangsniang kaba don ha Garoline Laitumkhrah.){kind=link}