Guwahati, Iaiong 24: Ka Assam Pradesh Congress Committee (APCC) ka la thaw ia ki hynniew tylli ki special monitoring team ki ban peit ia ka jingniew ia ki vote jong ka elekshon ba dang shu dep shen, ka ban sa long ha ka 4 tarik u bnai Jymmang.
Katkum ka kyrwoh khubor ba la pyllait da u general secretary ka APCC uba dei ruh u in-charge ka Assam u Jitendra Singh ha ryngkat u state president u Gaurav Gogoi, la ong ba ia kine ki kynhun yn buh ha baroh ki konstitwensi kiba leit thep vote ha ka 9 tarik Iaiong.
Ki kynhun ba la aiti kin pyndep ia ki kam kum ka jingpynshisha ia ki jingpynbeit ha ki jaka strongroom, ka jingpynneh ia ka jingiadei bad ki kyrtong jong ka seng, bad ka jingiatreilang bad ki nongialam seng jong ki distrik. Ia ki nongialam ba la kham rangbah jong ka party la bynshet kam ha ki thain bapher bapher ban pyniaid ia ka jingiatreilang.
Ha Upper Assam, kane ka kynhun ka kynthup ia u Debabrata Saikia, u Raju Sahu, u Utpal Gogoi, u Rajkumar Nalatira Neog, u David Phukan, bad u Mrityunjay Duarah, kaba kynthup ia ki District kum ka Tinsukia, Dibrugarh, Sivasagar, Charaideo, Jorhat, bad Golaghat.
Na ka bynta ki thaiñ North Bank, la aiti ïa ki jingkitkhlieh ha u Ripun Bora, u Ghana Burhagohain, u J.P. Das, u Shailen Sonowal, u Kartik Kurmi, u Shankar Kutum, bad u Meghnath Chetri.
Ha Central Assam bad ha ki hill district, ka kynhun ba peitngor ka kynthup ïa u Bhimananda Bora, Diganta Barman, Satyabrata Kalita, Mira Borthakur Goswami, Swapan Kar, Mrinal Hazarika, Akram Hussain, Nirmal Langthasa, Ratan Engti, Augustine Engti, Ashok Teron, Pallav Chetia, and Charaniki Engti, ki ban peit ia ka Nagaon, Morigaon, Karbi Anglong, West Karbi Anglong, bad Dima Hasao.
Ha Lower Assam yn peit da u Pradip Sarkar, A.K. U Rashid Alam, Deep Bayan, Gajendra Upamanyu, Arun Tiwari, bad Mustafa Khaddam Hussain.Ha ka Barak Valley, ka kynhun ka kynthup ïa u Ajit Singh, Abhijit Paul, Aminul Islam, Biswajit Ghosh, Badarul Borbhuyaan, Papon Dev, Pradip Gowala, bad Hussain Ahmed Choudhury.
Na ka bynta ka Bodoland Territorial Region (BTR), la ai jingkitkhlieh ha u Mehdi Alam Bora, Budhadeb Phandabgazi, Chittaranjan Brahma, Bhabanath Nath, Stephen Lakra, Umesh Deka, Dipak Kalita, bad Satya Nath Kalita.
Katkum ka jingong ki heh jong ka seng, kane ka sienjam ka long ban pynkhlain ia ka jingpeitngor bad ka jingiatreilang kaba kham bha.
Kine ki kynhun kin poi ha ki jaka niew vote shwa ka 4 tarik u Jymmang bad kin shong haduh ban da pyndep pura ia ka jingniew vote.
Ka jylla ka la ioh ia ka jingkhein ba ka jingpoi ki nongthep vote kaba long 85.96 percent, kaba dei napdeng kiba heh tam ha kine ki snem ba la dep.
 ka la thaw ia ki hynniew tylli ki special monitoring team ki ban peit ia ka jingniew ia ki vote jong ka elekshon ba dang shu dep shen, ka ban sa long ha ka 4 tarik u bnai Jymmang.){kind=link}