Guwahati , Jymmang 04: Hadien ka jingshah kynnoh ba pyndonkam bakla iaka bor ha Bordumsa police station, 5 ngut ki pulit bad ki commando ki la shah sospon katba ia u officer-in-charge la pynkynriah kam.
Kane ka wan hadien ka jingpyrshah kaba jur halor ka jingkynnoh shah leh tohmet uwei u samla ha kti jong ki pulit kaba la pynbor iaki bor Sorkar ban shim daki sienjam ba tyngeh pyrshah iaki pulit.
Ki ophisar kiba la shah sospon ki kynthup ïa u sub-inspector u Rajib Deka, u sub-inspector u Jayanta Kalita, u Constable Bishal Boro, u Constable Rajib Deka, bad u Constable Bhaiti Deka.
Nalor kata la pynkynriah kam ia u Officer-in-Charge ka Bordumsa Police Station’s u SI Biswajit Saharia katba dang ap ïa ka jingtohkit kaba bniah.
Ki tyllong khubor ki iathuh ba uwei u samla u Sanjeev Moran na ka shnong Mohong jong ka Bordumsa u la shah shoh tyngeh hapoh thanat ha ka 3 tarik Jymmang.
La iathuh ba u OC Biswajit Sahar bad kiwei ki Pulit ba kynthup u Deka kila khot hajir ia u Moran ha kaba u la shah pynshitom jur ha ka met jong u, kynthup ia ka jingpyndonkam ia tah sohmynken kaba long pyrshah iaka long briew man briew.
Hadien kane ka khubor, ki paidbah jong ka shnong Mohong ki la iaid sha surok da ka jingiakhih kaba jur kaba la pynbor ia ki pulit Tinsukia ban leh eiei pyrshah ia ki pulit.
Katkum ka hukum u Superintendent of Police ka Tinsukia, u Dinesh Pratap Singh Rathode IPS, u Sub-Divisional Police Officer (SDPO) Margherita, la bynshet ban pynlong ia ka jingtohkit halor kane ka jingjia bad ban ai ia ka kaiphod jong u hapoh 48 kynta na ka bynta ban leh ia kaba donkam.
