Dibrugarh, Jylliew 6: Uwei u briew u la shah kem ha ka sngi saitjaiñ hadien ba u la thombor ïa uwei u nongïasaid aiñ hapoh ka jaka jong ka Dibrugarh Bar Association, kaba la pynmih ïa ka jingkynthoh kaba jur na ki dkhot jong ka seng ki nongïasaid aiñ.
Une u nongshah kynnoh la tip kyrteng kum u Ganga Sagar Paswan ba la ju khot sin kum u Gama Paswan bad la kynnoh ba u la thombor ia u Advocate Rajesh Kesari ha ka por ba u leit jngoh ia u ha jaka jong ka Bar Association.
Katkum ki pulit, u Paswan uba dei u client jong u Kesari u la wan ban iakynduh ia u nongiasaid ain haba la kynnoh ba u la pynlong ia ka jingshah thombor kynsan kynsan ha kaba u nongiasaid ain u la mynsaw.
Ki nongiasaid ain bad ki nongtrei kiba don ha ka Bar Association ki la leit ban iarap ia u Kesari bad mar mar ki la pyntip sha ki pulit.Ki ophisar na Dibrugarh Police Station ki la poi sha katei ka jaka bad ki la shim jingkhein ia ka jinglong jingman.
Da kaba pynshong nongrim ha ka ejahar ba la ujor hadien katei ka jingjia, ki pulit ki la bat ia u Paswan bad hadien ki la kem ia u.La sdang ia ka jingtohkit ban pynthikna ia ki jingjia kiba la pynlong ia katei ka jingshah thombor.
Ka jingthmu jong katei ka jingshah thombor kam pat da shai bha, bad ki pulit ki dang bishar bniah ia baroh ki liang.
Kane ka jingjia ka la wanrah ïa ka jingpynrem kaba jur na ki dkhot jong ka Dibrugarh Bar Association, kiba la batai ïa kane ka jingshah thombor kum ka jingpynkheiñ ïa ka jingshngaiñ hapoh ka jaka bishar bad dawa ban leh da kaba tyngeh pyrshah ïa u nongshah kynnoh.
Ki dkhot jong ka kynhun ain ki la ong ba ym lah ban shah ia ka jingshah lehbein ki nongiasaid ain bad ki la khot ia ki lad ki lynti ban pynthikna ia ka jingshngain jong ki nongiasaid ain kiba pyndep ia ki kam jong ki.
Ki pulit ki la iathuh ba ka jingtohkit kaba bniah ka dang iaid shakhmat.
