Guwahati, Nohprah 14: Ka Sorkar Assam kala pynbna ba kala pynkylla kyrteng ia ki 1281 tylli ki Madrassa (skul ki paid Muslim) ha Assam sha ki ME School.
Ia kane la pynbna da u Myntri ka Tnad Pule Puthi Ranoj Pegu ha ka jingiakren bad ki lad pathai khubor bad pyntip ba ka Sorkar kala shim ia kane ka sienjam ban wanrah ia ka jinglong kawei jong ki skul hapoh ka rukom pyniaid ka Sorkar ia ka Pule Puthi ha Jylla.
Haba thoh ha X, u Pegu ula ong “Hadien ka jingpynkylla ia baroh ki skul Sorkar ba ki skul Madrassa bala ithuh ka Sorkar sha ki General School hapoh ka SEBA @SchoolEdnAssam kala pynkylla ia ka kyrteng ki 1281 tylli ki mE Madrassa sha ki ME School da ka jingpynbna ba pynmih mynta ka sngi. Kane ka dei ka thup kyrteng jong ki skul. Kane ka rai kala mih hadien ba u Myntri Rangbah Himanta Biswa Sarma ula pynpaw ia ka jingthmu ban khangdam noh ia baroh ka Madrassa hapoh ka Jylla”.
Lah ban kdew hangne ba ki skul Madrassa bala pyniaid hapoh ka Sorkar, ki dei kila la mih ki kynrum kynsam naduh ba ka BJP kala wan ha ka bor synshar ha Assam.
Ka Sorkar Assam dang shen kala pynpaw ba ka Sorkar Jylla ka hap ban pynlut haduh T.500 klur manla u snem tang ha kaba pyniaid ia kine ki Madrassa. Ha u 2020,ka Iingdorbar Thaw Ain ka Jylla kala mynjur ban pynsangeh noh ia ka jingtreikam jong ka Assam Madrassa Education (Provincialisation) Act 1995 bad ka Assam Madrassa Education (Provincialisation) of services of employees and re-organisation of Madrassa Education Institutions) Act 2018.
 ha Assam sha ki ME School.){kind=link}