Shillong, Nohprah 14: Kawei ka Longkmie kala mynsaw na ka jingwan thom ki hati khlaw hapoh ka shnong Kawagra, South West Garo Hills, hynne ka step sngi Palei.
Kine ki Hati khlaw kiba artylli, kila wan na Bangladesh bad iaid lyngba ka shnong Kamar hadien ba iaid lyngba na ka IB ki shipai ha ka por 5 baje mynstep.
Ynda poi ha Kawagra ha ka por 7 baje eiei, kine ki hati kila leit thom ia kawei ka Iing ban wad bam bad ha kane ka jingjia, ka longkmie ba kyrteng ka Faidila Momin kala mynsaw ha ka jingthom ki hati ia ka iing ha ka por ba ka dang shet jingshet ha kamra shetja.
Ia kane ka longkmie la pynkit noh mar mar sha Civil Hospital ha Ampati.
