Dibrugarh, Naiwieng 05: Sa uwei u ehrang ka ULFA (Independent) ula wan ban pyndem wait hynne ka sngi U Blei hakhmat ki bor shipai ha Dibrugarh.
Une u ehrang u kyrteng u Madhab Chetia ba khot sin u Suraj Asom. Une u ehrang ula pyndem ha Jeypore Army Camp ha Naharkatia ha ka jingiadonlang ki Heh shipai bad ki Heh Pulit. U Chetia u dei uba la phet na ktem ka ULFA(I) kaba don ha Myanmar.
Une u ehrang ula wan pyndem ha ryngkat uwei u bomb hand grenade. Une u ehran guba dei na ka Shnong Disangmukh, Sivasagar District, ula pyniasoh sha ka ULFA(I) ha u snem 2021 bad ula pyndep ia ka jinghikai pyntbit ban pyndonkam ia ki tiar siat ha Myanmar.
Une u dei u ehrang uba saw jong ka ULFA(I) uba la wan ban pyndem wait tang hapoh ka shitaiew ha Assam.
Ha ka sngi Palei, arngut ki ehrang ka ULFA(I) bala tip kyrteng u Palash Moran bad u Montu Moran, kila wan ban pyndem wait hakhmat ki Pulit ha Tinsukia. Ha ka 2 tarik Naiwieng, uwei u ehran gba kyrteng u Ashique Ali ba khot sin u Riyaz Asom, ula wan pyndem hakhmat u Superintendent of Police ka Sivasagar District ryngkat u bomb hand grenade.
U Ali ula pyniasoh sha ka ULFA(I) ha u Iaiong 2022 bad ula ioh phet dang shen na ka ktem hikai pyntbit kaba don ha Myanmar.
 ula wan ban pyndem wait hynne ka sngi U Blei hakhmat ki bor shipai ha Dibrugarh.){kind=link}