Shillong, Naiwieng 05: Ka Department of Biochemistry ka North Eastern Indira Gandhi Regional Institute of Health and Medical Sciences (NEIGRIHMS) kala pynlong ia ka Pre-Conference CME (ACCLMPCON 2024) halor ka phang “Breaking Barriers: Advancement in Alzheimer’s Disease” ha ka 4 tarik u Naiwieng 2023 da ka jingthmu ban pynsngewthuh bad ban pynshai ia ki nongai jingsumar ha kaba iadei bad ka jingsumar ia ka jingpang ha ka jabieng (Alzheimer) da kaba pyndonkam iaka Beta Amyloid (Aβ42), Total Tau bad PhosphoTau, kiba iarap ha kaban lap mardor ia katei ka jingpang.
Ia katei ka CME la plie da u Prof. (Dr.) Nalin Mehta, Director jongka NEIGRIHMS Shillong kum u kongsna ha kaba la iadonlang u Prof. (Dr.) Suvomoy Chakraborty, Dean (Academic) In-charge bad u Prof. (Dr.) C. Daniala, MS, NEIGRIHMS Shillong.
U Prof. (Dr.) Suvomoy Chakraborty ula iaroh iaka Department of Biochemistry kaba la shim ia katei ka sienjam.
Katba u Prof. (Dr.) C. Daniala ula kdew shaphang ka rukom treikam jong ka Radiology bad Biomarkers ha kaban lap bad ban khmih bniah mardor ia ka jingpang Alzheimer.
Na ka liang u Prof. (Dr.) Nalin Mehta ula banjur iaka jingdonkam ban lap mardor ia ka jingpang bad ban ioh ban ai jingsumar kloi ia ka Dementia bad iaka Alzheimer namar ba kane ka jingpang kala nang kiew ha kito kiba la noh ha ka rta.
Ula ai jingmut ia ki doctor kiba dang thymmai ba dei ban long kiba la pynkhreh bha ialade da ki jingnang bad ki jingtip bapher ha kaba ia kadei bad ka jingai jingsumar ia ka Dementia khnang ba kin lah ban btin ia ki nongpang ba kin ioh iaka jingsumar kaba bha bad kaba paka.
Ki nonai jingsumar na kylleng ki bynta jong ka ri kiba la pawkhmat ha katei ka lain ai jingsumar ia katei ka jingpang bad kiwei kiwei ki jingpang kila wan ban iashimbynta bad kila pashat jingmut bad pynsngew ia ki jingtip ki jongki ha kaba iadei bad ka jingpang Dementia bad Alzheimer.
 kala pynlong ia ka Pre-Conference CME (ACCLMPCON 2024) halor ka phang “Breaking Barriers: Advancement in Alzheimer’s Disease” ha ka 4 tarik u Naiwieng 2023 da ka jingthmu ban pynsngewthuh bad ban pynshai ia ki nongai jingsumar ha kaba iadei bad ka jingsumar ia ka jingpang ha ka jabieng (Alzheimer) da kaba pyndonkam iaka Beta Amyloid (Aβ42), Total Tau bad PhosphoTau, kiba iarap ha kaban lap mardor ia katei ka jingpang.){kind=link}