Dibrugarh, Nohprah 14: U phria uba la wan ryngkat bad u slap ba jur bha, ula lynshop ha kiba bun ki district ka Assam ba kynthup ia ka Dibrugarh, Tinsukia bad Sivasagar hynnin ka janmiet sngi Balang.
Kat kumka khubor, kane ka jinghap phria kala neh palat ia ka shi kynta, kaba wanrah ia ka jingjulor kaba khraw ia ki marrep bad ki jaka rep ha kine ki District.
Ki Iing ki sem ruh kila shah pynjulor bad bun ki tnum iing kila pei thliew na ka jingheh jong u phria.
U phria ula taplup ia bun ki surok, ki madan ialehkai, ki tnum iing bad ki phyllaw jongki iing briew ha bun ki jaka sor kata ha Moran, Khowang bad Naharkatia kiba hap hapoh ka Dibrugrah District, ka Makum ha Tinsukia District bad ka Amguri bad Nazira ha Sivasagar District.
Kane ka jingjia kala wanrah ia ka jingkhriat ka bneng ha kane ka thain, kaba la ktah ruh ia bun ki jaka ba marjan.
