spot_img

Assam: Kam ka ULFA-I ba hiar thma ia ka kali ki shipai Assam Rifles ha Tinsukia

Date:

Share post:

Dibrugarh, Iaiong 16: Ka ULFA(I) kala kam ia ka jingbahkhlieh halor ka jinghiar thma ia ka kali ki shipai Assam Rifles ha Namdang, Margherita hynne ka step.

Kat kum ka khubor, uwei u Hawalda Om Prakash (uba bud ia ka trok), ula mynsaw na ka jingshei ar kuli. Ia une u shipai ba mynsaw la pynkit noh da ka helicopter sha ka hospital ki shipai ha Dinjan.

Kane ka jingjia kala jia ha ka por 8 baje mynstep katba ka kali ki shipai Assam Rifles ka dang wan na Changland sha Margherita.

Kane ka kali ki shipai ka dei kaba kit ia ka kynhun iaid pahara ha Tinsukia hynne ka step sngi Ba-ar.

“Ka kynhun ki ehrang kaikhlaw kila ioh rung suk sha khappud ka India lyngba ka Arunachal Pradesh ban leh ia ki kam pyntirem. Ka Arunachal Pradesh ka dei kaba don ia ka khappud bad ka Myanmar bad China. Kane ka kynhun kaikhlaw kala shim kabu ia ka riat ka ram jong ka jaka ban wan rung tuh sha India” ong ki Heh Pulit.

Mynta ka kynhun ki shipai bad ki Pulit kila pynlong ia ka jingkhynra kaba jur ha ka thain Tinsukia bad ki jaka ba marjan.

Share post:

spot_img
spot_img

Popular

More like this
Related

Na shnong Nongkyndong sha ki hospital ka Japan | Tyngshain ki Nurse ka Jylla Meghalaya

Shillong Naitung 22: Kadei ka khana ka jingdon ia...

Bthah ka Iingkashari ban thaw ia ka Committee ban tehlakam ia jingkharoi ki ksew surok

Shillong Naitung 22: Ka Meghalaya High Court kala bthah...

Da ka NE Music Concert yn rakhe ia ka National Braodcasting Day ha Shillong

Shillong, Naitung 22: Ka Akashvani North Eastern Service kan...