Tura, Iaiong 16 : Kawei ka jingkieng ba kongsan tam ka Ri-lum Garo kaba pyniasoh ia ka West Garo Hills bad South Garo Hills, kala khyllem hynne ka step sngi Ba-ar, Hadien ka jingiaid ki artylli ki trok kit shini.
Kane ka jingkieng ka dei kaba don ha thain Bagla, Dimapara. Kane ka jingkieng nar ba jrong 60 meter kaba jngai kumba 6 Km na Dalu, ka dei ka jingkieng ha National Highway 217 kaba bun ki pyndonkam ban leit sha Baghmara, South Garo Hills.
Kane ka jingkieng ka dei kaba la khang ban iaid ki kali heh.
Artylli ki trok 18 shaka, kiba la kit smam da ka shini, kila pyrshang ban jam lyngba kane ka jiengkieng ha kajuh ka por bad dei namar ka jingbym lah kyrda, kane ka jingtei kala khyllem bad ki byrni shini kila hap lut shapoh ka wah Bagla kaba don hakhrum.
Kane ka jingkit shini ba khia da ki phew phew ton sha South Garo Hills, kala pynsuba sniew ba ka lah ban dei ka kam khaii tuh namar ia kane ka shini la pyniaid lyngba kane ka surok ba shu pyniasoh (link road) ym na ka surok Highway ha Dalu.
Da ki dorjon ki trok ba kit shini kila iaid manla ka miet sha khappud ka South Garo Hills bad South West Khasi Hills na Assam, ia kaba la sub aka dei ka kam khaii tuh ia ka shini sha Bangladesh.
