Shillong, Nailur 8: Ka sorkar Jylla hynne ka sngi palei, kala aiti ia ka shithi ai jaka ba 10 acre ha New Shillong Township, sha ki CRPF ba kin buh ia ka ktem ba shirta.
Handed over the letter of allotment of 10 acres of land in the New Shillong Township Area for the CRPF to set up a permanent camp in the State which will further facilitate the process of shifting the temporary camps & the CRPF personnel to the permanent camp allotted@AmitShah pic.twitter.com/G38Ds8esOb
— Conrad Sangma (@SangmaConrad) September 8, 2022
Ia kane ka shithi ai jaka la aiti da u Myntri Rangbah ka Jylla Conrad Kongkal Sangma ha ka jingialang bad ki CRPF ba long hynne ka sngi ha Secretariat.
U Myntri Rangbah ka Jylla Conrad K Sangma haba pyllait khubor lyngba ka Video sha ki lad pathai khubor, ula ong ba ki CRPF kila kyrpad la bun snem ia ka Sorkar Jylla ban ai jaka ban buh ia ka ktem ba shirta jong ki.
“Namar ka jingbym don ia ka ktem ba shirta, ki Battalion bad ki pyrton bapher bapher jong ki CRPF kila buh ia ki ktem ba shipor ha kylleng ki jaka jong ka Nongbah bad ha Jylla, ka jingpynbeit kaba la pynjlan la slem bha” ula ong.
“Mynta ngi la rai bad ngi la aiti ia ka jaka ba 10 acre ha New Shillong Township mar syndah ka IIM ia ki CRPF ba kin buh ia ka ktem ba shirta hapoh ka Jylla Meghalaya” ula bynrap.
U Myntri Rangbah u ong ba hadien bala dep shna ia kane ka ktem, ki CRPF kin sa pynkynriah noh ia baroh ki ktem ba shipor sha kane ka jaka bala ai shirta ia ki.
“Ngi la iakren ruh ia ka jingpynkynriah noh ia ki ktem na kylleng ki jaka kiba la mih ki jingdawa ban pynkynriah da ki paidbah ruh kum na Mawlai” ong u Myntri Rangbah.
U Myntri Rangbah ula ong ba ka jingpynkynriah ia ki ktem CRPF sha ka jaka ha New Shillong kan sa sdang shisien bala shim rai bad ioh jingmynjur na ka Ministry of Home Affairs ka Sorkar India ba kin shimti ia ka jaka bala ai da ka Sorkar Jylla.
U Myntri Rangbah u la pyntip ba ka jingialang kala iakren ruh kumno ban pyndonkam ha ka rukom kaba biang eh ia ki jaka ba donki ktem ba shipor hadien bala dep pyllait da ki CRPF.
U Myntri Rangbah u pyntip ba ka Sorkar Jylla ka don jingthmu ban buh ia ka Skill bad Entrepreneurship Training Centre lane ka Arts & Culture Centre ha Mawlai hadien bala pyllait ki CRPF ia ka jaka.
Today we also discussed the utilization of the temporary CRPF Camp in Mawlai to house skill or entrepreneurship training centres and arts & culture centres.
— Conrad Sangma (@SangmaConrad) September 8, 2022
“Ngi la ioh ia ka jingialang ba seisoh bha bad ngi kyrmen ba shen kan sa wan noh ka jingai jingmynjur ka MHA ban shimti noh ki CRPF ia ka jaka ba la aiti da ma ngi mynta ka sngi” ong u Myntri Rangbah.
