Nongpoh, Nailur 08: Ki Pulit ka Ri-Bhoi District hynne ka step kila ioh ban kem ia uwei u Nonglute trok hadien ka jingkthong najan ICAR sha Umiam.
Ki Pulit kila ioh jingtip ba ki don ki nonglute trok kiba pyrshang ban pynpait ia ka Iit jong kawei ka trok hajan ICAR bad mar mar kila leit sha kane ka jaka ban kem ia kine ki nonglute.
Hynrei kine ki nonglute kila phet bak da ka kali shaphang ka liang ban leit sha Shillong bad ha ka jingiakhtong, kila ioh ban bat ia kane kali bad kila ioh kem ia uwei u runar ba kyrteng u Shemborlang Ryntathiang uba dei na Umsning.
Ha ka jingtalasi, ki Pulit kila ioh kurup ia artylli ki mobile phone, uwei u tyrnem, kawei ka tari ba ju pyndonkam ha kaba lute trok. La shem ruh ba kawei na ki mobile phone ka dei kaba shu tuh bad la pynphai pat sha u trai.
Ki Pulit kila register case ia une u runar ha Umiam bad kila kurup noh ia ka kali ba u pyndonkam. Ka jingtohkit mynta ia kane ka jingjia kala iaid shakhmat.
