Shillong, Kyllalyngkot 09: Ki samla pule jong ka IIM Shillong kiba wan shakhmat haka jingpule, kila ioh pdiang iaka Scholarship ba kin bteng shuh shuh ia ka jingpule ka jong ki.
Ka IIM Shillong kala ai khublei ia ki samla pule kiba kynthup ia u Kashish Sharma, Saagarika Bhasker Panyam bad Sampada Dubey ki samla kiba pule jong ka PGP-2023-25, IIM Shillong kiba la ioh ia katei ka jingithuh.
Ia katei ka jingithuh la ai kum shi bynta ban kynmaw burom ia u (L)Aditya Vikram Birla bad ka jingai ia ka scholarship ka pyni iaka jingiengskhem jong ka Aditya Birla Group ha ka jingkular ban saindur ia ki nongialam bad ban ai jingkyrshan daka pisa ia ki samla pule kiba stad ha kylleng ki jaka pule.
Ki samla pule kila pynpaw ka jingsngewnguh ia ka Aditya Birla Group, ha kaba kila ioh iaka jingtip bad jingshemphang lyngba ka Interview kaba la long ha Mumbai bad kine ki samla kila pynpaw ba kin pyndonkam thikna ia katei ka scholarship na ka bynta ban pyntbit ialade bad ban tei iala ka jingnang jingtip bad ban iashimbynta naka bynta ban tei ia ka lawei jong ka imlang sahlang.
Ka IIM Shillong kala ai khublei ruh ia ka Aastha Ratti (PGP-2023-25) kaba la ioh ia ka OP Jindal Scholarship kaba la wan ha ka Top 20 na ki samla pule na kylleng ki jaka pule hapoh ka ri kaba la ia ka jingshaniah skhem bad ban kiew shaphrang shuh shuh ha ka jingpule haka kyrdan MBA.
Ka OP Jindal Engineering & Management Scholarship, ka dei kum shi bynta ban kynmaw burom ia u O.P. Jindal, uba dei u nongseng jong ka Jindal group.
Ka IIM Shillong kan bteng ban iengskhem ha kaban pynheh pynsan bad ban pynnang pynstad ia ki samla pule bad kala ai khublei ia kine ki samla pule kiba la wan shakhmat ha ki jingpule ki jongki kaba pyni ruh iaka jingtrei shitom jongka jaka pule ha kaban sei ia ki nongialam kiba tbit.
Lah ban ong, ha u snem 2011, ka samla pule jong ka IIM Shillong kala ioh pdiang iaka Aditya Birla Scholarship ha ka sien kaba nyngkong bad hadien kane, sa 15 ngut ki samla pule kila ioh pdiang ia ki Scholarship.
Aditya Vikram Birla bad ka jingai ia ka scholarship ka pyni iaka jingiengskhem jong ka Aditya Birla Group ha ka jingkular ban saindur ia ki nongialam bad ban ai jingkyrshan daka pisa ia ki samla pule kiba stad ha kylleng ki jaka pule.){kind=link}