Nongstoin, K’lyngkot 9: U District Magistrate ka Eastern West Khasi Hill District, Mairang bah G Kharwanlang IAS, u la pynjari da ka kyndon 144 CrPC, kaba khang bad mana pyrshah ia ka jingtih bad khlong maw beain ha shilynter ka surok Tiehnongbah-Laitnongrim.
Kane ka jingtih bad khlong maw beain ka wanrah ka jingpynjot/pynsniew ia ka surok bad ka wanrah ruh ia ka jingma ia ki nongshong shnong bad ki briew kiba iaid lynti na kane ka surok.
Kino kino kiba ialeh pyrshah ia katei ka hukum, yn pynshitom ia ki katkum ka kyndon 188 jong ka Indian Penal Code. Kane ka hukum kan treikam mardor tad haduh ynda pynbna da kumwei pat.
