Ai laptop u MLA ia ka samla ba wan nyngkong eh ha ka eksam SSLC

Date:

Share post:

Shillong, Jylliew 26: U MLA ka Mawphlang Bah Eugeneson Lyngdoh ula ai sngewbha da ka Laptop ia i samla Amebaaihunsha Kharbhih, iba la ioh ia ka kyrdan ba nyngkong eh ha ka eksam SSLC ba dang shu pynbna result dang shen jong ka MBoSE.

U MLA ula aiti ia kane ka laptop ha ka jingialang pynkup burom jong ka Shnong Mawreng ia ine I samla, kaba la long ha Iingshong jong ka Mawreng, ha ka jingiadon ryngkat u Fr Jemiras, Principal ka St Paul Marbisu, ki Nongialam Shnong bad ki bahaiing hasem jong ine I samla.

U Bah Eugeneson haba kren ha ka jingialang, ula ai ka jingiaroh ia ka jingtrei shitom jong I samla Amebaaihunsha bad ong “Ngam poi pyrkhat ba ia kane ka kyrdan ba hajrong tam jong ka eksam SSLC yn ioh na ka Constituency jong nga khamtam ba don bun ki skul ba paw ki don ha ka Jylla”.

“Ki don palat 57 hajar ngut ki samla ba iakhun ia kane ka eksam, hynrei ka jingminot bad jingtrei shitom kala pynlong ia I Amebaaihunsha ban long iba kynsai tam. Kane kam dei ka hok hynrei ka dei ka jingtrei shitom bad ka jing iai shah” ula ong

“Kane ka dei ka jingsdang ha ka jingim ka jong i bad kin dang don bun ki jingialeh ha ka lynti iaid ka jong i. Nga ngeit skhem ba ka mynsiem ialeh kan don ha I ba in iai bteng ban long iba kynsai bad ban kynjoh ia ka thong jong ka jingim” ula bynrap.

Kumjuh ruh u Fr Jemiras haba ai jingkren la ong baka long ka jingsarong ia ka skul ba kan ioh bat ia kane ka nam kum ka lahduh ha ka eksam SSLC haba bynrap “Ka jing wanrah nam jong I Amebaaihunsha kan long ka jingai mynsiem ia kiwei ki khynnah skul ki ban dang ialeh ia ki eksam baphe bapher”.

U Fr Jemiras ula ong ba ki skul ha ki thain Nongkyndong kim duna shuh mynta haba ianujor bad ki skul kiba ha sor bad ka shong eh ha ki Khynnah ba lada ki minot hi, kin poi kumjuh sha kajuh ka thong.

Share post:

spot_img

Popular

More like this
Related

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...

Tripura: Sngewkhia jur u CM ba kiew ka jingdih droks hapoh ka Jylla

Agartala, Rymphang 28: U Myntri Rangbah ka Tripura Manik...

Manipur : Ioh pyllait im ki Pulit ia u Addl SP na kti ki kynhun kaikhlaw

Imphal, Rymphang 28: Ki Pulit kila ioh ban pyllait...