Nongstoiñ, Rymphang 21: Kum ka jingsngewlem ïa ki san ngut ki khun jong ka (L) kong Metilda Lyngdoh Marshilong, kaba la shah dkhat jubor ïa ka jingim ha uwei u runar, ki nongïalam bad ki dkhot jong ka Federation of Khasi Jaiñtia & Garo People Riangpoit Unit, ki la noh synñiang da u khaw bad katto katne ki jingiarap.
Ki nongïalam bad ki dkhot jong ka FDKJGP ki la leit sha katei ka longïing hadien ba la wai ka jingïalang ha kaba la ïadon rygkat da u samla Pynshai Kharbani general secretary ka FKJGP Nongstoiñ circle, u bah Anthony Umïong president FKJGP Maweit circle ki nongïalam ka FKJGP Riangpoit unit bad ka kong Philomina Lyngdoh Marshilong, ka hynmen jong ka (L) kong Metilda Lyngdoh Marshilong, kaba la khlad noh ryngkat ki saw ngut ki khun, namar ka khun ba nyngkong jong katei ka longkmie kaba la khlad, ka la leit sha skul ba la jan ka exam class X.
