Shillong, Risaw 20 : Ka kynhun ialehkai cricket ka Meghalaya kala shah rem da phra wicket ha ka Jylla Mizoram ha ka jingialehkai jong ka lympung Senior Women’s T20 Trophy ha Bangalore mynne ka sngi palei.
Hadien ka jingshah phah tied nyngkong ba shah rem ha ka jingkynting pisa, ka Meghalaya kala shah pynhap lut ki wicket tang hapoh ka 18 over bad ioh kamai 91 run wat hapdeng ka jingialehkai paralok ba 45 run hapdeng ka Sejal Raut bad ka Daiaka Warjri.
Haba beh thong, ka Mizoram kala lah ban pyndep tang hapoh ak 16 over bad hap tang ar wicket bad ia kine ki wicket la shim da ka Ajima Sangma bad ka Debasmita Dutta.
Ka jingiakhun ba khatduh jong ka Meghalaya kan long ha ka sngi siatjain pyrshah ia ka Uttar Pradesh.
