Baghmara, Risaw 20 : U Myntri Rangbah ka Jylla Conrad Kongkal Sangma hynne ka sngi Palei ula pynbna ban pyntreikam noh ia ki jingmyntoi jong ka skhim FOCUS sa sha ki nongrep ne ki nongpynmih mar (producers group) jong ki jaka sor.
U Myntri Rangbah ula pynbna ia kane ha ka jingialang rakhe ia ka jingjop jong ka skhim FOCUS ba long hynne ka sngi ha Baghmara, South Garo Hills.
Kat kum ka jingong jongu, ki nongrep ne producer group kiba don ia 10 ngut ne palat ki dkhot bad kiba pyntrei ia ki kam ba ioh kamai, kin ioh T.5000 marwei kum ka song pisa shimet na ka skhim FOCUS.
“Ki nongthain jain ne nongshna ashar ki lah ban wan lang kum ka Producer Group hapoh ka FOCUS ha ki jaka sor bad ban shim ia ki jingmyntoi jong ka skhim. Wat ki samla kiba trei ia ki kam bapher bapher ban kamai, ki lah ban thaw ia kum kine ki kynhun bad ban shim ia ki jingmyntoi” ong u Myntri Rangbah.
Ula pyntip ba ha ka jingialang b aka jingpynrung kyrteng hapoh ka FOCUS plus ha baroh kawei ka Jylla kan dang iai bteng tad haduh ka 30 tarik u Naiwieng bad ha ka taiew ba nyngkong jong u Nohprah, yn sap hah ia ka pisa sha ki nongioh skhim.
U Conrad ula ong ba ha ka jingpynrung kyrteng, ka jingai ia ka instalment ba nyngkong kan long T. 1000 bad ka instalment kaba ar kan long T. 4000 ka ban sa pyllait ha ka taiew ba nyngkong jong u Nohprah.
Hapoh ka FOCUS bad FOCUS plus, haduh 4.5 lak ngut ki briew ha kylleng ka Jylla kin ioh jingmyntoi. Ka Sorkar kala buh ia ka mang tyngka ba T. 500 klur ban pynlut ha kane ka skhim.
987 producers of Baghmara, South Garo Hills were given financial assistance of ₹9.87 Lakh through FOCUS+
FOCUS+ is an extension of Meghalaya’s biggest farmers welfare program ‘FOCUS’. The two schemes will give our farming households a financial advantage of ₹10,000@nstomar pic.twitter.com/iOjXkYMrBF
— Conrad Sangma (@SangmaConrad) October 20, 2022
Ha kane ka prokram, u Myntri Rangbah ula sam ruh ia ki cheque hapoh ka FOCUS bad aiti ruh ia ki card jong ka FOCUS plus sha ki nongioh skhim. Ula aiti ruh ia ka cheque jong ka YESS Meghalaya sha ki seng samla bad ruh ia ki khun sniang bad ki syiar kuroilar sha ki nongioh jingmyntoi jong ka District.
U Conrad ula aiti ruh ia ki cheque sha ki Village Organisation jong ki SHG kaba long haduh T. 2.15 klur ha ka District kaba long kat kum ka Community Investment Fund jong une u snem ba mynta.
For Youth Organisations to continue their positive initiatives for the youth of Baghmara, a fund of ₹4 Lakh was handed over to 7 youth associations of the District @ianuragthakur pic.twitter.com/VcHH4ZiUIR
— Conrad Sangma (@SangmaConrad) October 20, 2022
Nalor kine, ula sam ruh ia ki cheque jong ka “Green Meghalaya” sha ki Dorbar Shnong halor ka jingshimkhia jong ki ban iada ban pynneh pynsah ia ki khlaw ki btap.
Distributed financial assistance to village and community heads at Baghmara, South Garo Hills under ‘Green Meghalaya’ a unique scheme for supporting communities, clans & individuals in conservation of forests & its natural resources.@PMOIndia @byadavbjp @moefcc pic.twitter.com/WZRSBpSRGo
— Conrad Sangma (@SangmaConrad) October 20, 2022
