spot_img

Khur namjop ka Umrit Sc ha ka sngi plie pyrda ia ka MLA Cup FT ka NPPYF

Date:

Share post:

Nongpoh, Rise 19: Ka kynhun ialehkai football jong ka Umrit Sport Club ka la ioh ban khur ia ka nam jop kaba nyngkong eh ha sngi ba plie pyrda ia ka MLA Cup Football Tournament kaba la pyniaid da ka National People’s Youth Front Party (NPPYF), Jirang Konstituensi.

Ia kane ka lympung ialehkai la plie mynta ka sngi da u MLA ka thain Bah Sosthenes Sohtun, kaba la pynlong ha ka madan ialehkai jong ka Western Ri Bhoi Sport Association ha Patharkhmah.

Kane ka namjop ka la leit sha ka kynhun jong ka Umrit Sc da ka jinglah ban pynliem ia ka kynhun ialehkai jong ka Patharkhmah Sc da 4-2 kol hadien ba ka jingiakhun kaba la iakhaid bha ka la poi sha ka jingiashut ia ka tie breaker.

Haba ai jingkren, u Bah Sohtun u la ai khublei ia ki nongkitkam ka NPPYF Jirang Konstituensi kiba lah ban shimkhia ban wanrah ia kum kane ka lympung na ka bynta ki khun samla kiba donsap hapoh ka Konstituensi ba kin iohlad ban sei ia la ka sap ka phong ha ka kam ialehkai football bad ruh ban kiew ha kane ka kam ialehkai sport.

U la ong ruh, ba kane ka lympung kan iarap ha ka rat dyngkhong ia ki jingsniew kiba lah ban ktah ia ki khun saml, naduh ka jingdih buaid kiad bad ruh na u drok.

Na ka liang ka NPPYF Jirang Konstituensi, ka la pynkhreh ruh ia ka song pisa kaba 1 lak tyngka na ka bynta ka kynhun lahduh bad 50 hajar tyngka ia ka kynhun kaba wan ha ka kyrdan ba-ar ha ryngkat ki trophies bad kiwei kiwei ki khusnam shimet ha kane ka lympung ialehkai football.

Kiba iadonlang ha kane ka sngi ki kynthup ia u Bah Victor Rani, MDC ki nongkitkam ka NPPYF kiba kynthup ia u Bah Markur Lapasam President Jirang block, u Eratus Nongsiej Vice President NPYF State Meghalaya, u Pyndaplang Wahlang President NPYF Ri Bhoi District nalor kiwei kiwei.

Share post:

spot_img
spot_img

Popular

More like this
Related

Shah jied ka kong Ri-iohlang Dhar kum ka Asst Referee ka FIFA U-17 Women’s World Cup

Shillong, Sep 18: Ka Meghalaya Football Association hynne ka...

Union Cabinet approves ‘One Nation, One Election’ proposal; Bill expected in winter session

Shillong, Sept 18: The Union Cabinet, led by Prime...

BCCI senior women T20 Trphy | Jied ka MCA ia 25 ngut ki nongialehkai ban mihkhmat ia ka Meghalaya

Shillong, Nailur 18: Ka Meghalaya Cricket Association kala jied...

MCA shortlists 25 players for Senior Women’s cricket team trial-cum-preparatory camp

Shillong, Sep 18: The Meghalaya Cricket Association (MCA) has...
spot_img