Nongpoh, Risaw 19: Ka Federation of Khasi Jaintia and Garo People (FKJGP) Mawtari Myrdon Circle ki la pynmih syndon da ka jingmaham ban pynshitom da kaba tyngeh pyrshah ia ki briew kiba bret pathar ia ki jaboh jabain ha ki lynti ki synkien bad ha shilynter u surok Myrdon Mawtari, Ri Bhoi District.
Ka FKJGP, Mawtari Myrdon Circle ka la pynmih ia kane ka jingmaham hadien ba ki nongkitkam ka seng ha ka jingiadonlang u Bah Nangkiew Sohktung kum u president ki la lap ia ki jaboh jabain harud ka surok Myrdon Mawtari ba la bret da ki briew bym lah ban ithuh.
Halor kane, ka seng ka la pyntip ba kan wad ia ki briew kiba donkti ban bret ia kine ki jaboh jabain harud ka surok bad yn leit bret ia kine ki jaboh ha kyrpong iing jong ki.
Ka FKJGP ka la maham ba lada ka seng ka lap ne ioh jingtip halor ka jingdon jong ki briew kiba bret pathar ia ki jaboh jabain harud surok ka seng kan pynshitom da kaba tyngeh ia ki.
