Mang ka Sorkar T.500 klur shisnem ban iarap ia ki Nongrep lyngba ka FOCUS
Nongstoiñ, Risaw 18: U Myntri Rangbah ka Jylla Conrad Kongkal Sangma, ha ka sien ba nyngkong eh napdeng ki Myntri Rangbah na ka Jaidbynriew Garo, ula kren da ka ktien Khasi ba neh kumba 5 minit eiei, ha shilynter ka jingialang sam skhim sha ki paidbah bad ki kynhun bapher bapher jong ka West Khasi Hills ba long hynne ka sngi Ba-ar ha Nongstoin.
Kane ka jingkren u Myntri Rangbah da ka ktien Khasi kala pynlong ia ki paidbah ban thap kti kum ka jingiaroh ia ka jingpyrshang jong u ban kren Khasi.
Da ki spah ngut ki paidbah ba kynthup naduh ki nongrep, ki producer groups, ki SHG, ki nongri jingri bad ki nongseng kam lajong, ki la ïoh jingmyntoi na ka jingwan sam scheme pynroi u Myntri Rangbah ka jylla lem bad u MLA ka Nongstoiñ Constituency u Bah Macmillan Byrsat ha Madan New Nongstoin.
Another day at Nongstoin to extend financial assistance to farmers, women-led SHGs & youth organisations. Thousands in attendance today!
Under Meghalaya’s biggest welfare program for #farmers, ‘FOCUS’ we distributed ₹62.85 Lakhs to 1957 farmer producer groups @nstomar pic.twitter.com/jhWIepP3h0
— Conrad Sangma (@SangmaConrad) October 18, 2022
Ia kane ka jingialam sam skhim la pynlong da ka Ophis u DC lyngba ka Basin Development Unit bad ki skhim ki kynthup ia ka FOCUS, FOCUS+, ka NRLM, YESS Meghalaya bad ka skhim Ri Syiar ne ka Progress & Rural Backyard Poultry Scheme.
Haba ai jingkren, na ka liang u Myntri Rangbah ka jylla u la їathuh ba ha West Khasi Hills kumba 16346 tylli ki longїing nongrep kiba hap hapoh 1146 tylli ki producer Groups, ki la їoh jingmyntoi na ka FOCUS. U la їathuh ruh ba ka jingdon jong ki SHG ha u snem 2018 ka long tang 83 tylli hynrei mynta la lah ban pynkiew sha ka 1559 tylli ki SHG.
Shuh shuh u la їathuh ba tang ha Nongstoiñ marwei, na ka 1000 ki longїing kiba la їoh jingmyntoi ha u 2018, mynta kumba 15000 tylli ki longїing ki la їoh jingmyntoi na kane ka programme. U la ong ba ha kine ki saw snem, la ai 8 klur ka pisa sha ki SHG bad ki VO ki la їoh palat 35 klur ha kane ka District.
Ka Meghalaya ka don kumba 4.5 lak ki longїing kiba im ha ka rep ka riang bad kane ka sorkar lyngba ka FOCUS bad FOCUS+ kan ai song jingiarap ba kot haduh T.500 klur ha ka shisnem
“Ki nongrep jong ngi kin ioh jan kot T. 500 klur ha ki account jong ki manla u snem bad lada phi khein lang ia kine haduh 1- snem, kan kot sha ka T. 5000 klur. Kane ka pisa kan iaid hapdeng ki nongrep ka Jylla bad ki lah ban rai hi kumno ha kaban pyndonkam ia ka pisa” ong u Myntri Rangbah.
U la ong ba tang ha ka Mission Mode Programme kum ka piggery mission, dairy milk Mission bad kitei ki mission ba la kdew haneng, ka sorkar ka la mang tyngka palat 700 klur kaba la jan kot sha ka 1000 klur ban pynlut ha kine ki programme.
For youth organizations to carry our programs to engage young people, we distributed funds worth ₹7.40 Lakhs to 18 Youth Clubs and Associations through our YESS Meghalaya program. pic.twitter.com/RjKDA6ttAe
— Conrad Sangma (@SangmaConrad) October 18, 2022
Katba na ka bynta ki SHG pat u la ong ba ka sorkar ka la mang palat 380 klur ha kine ki saw snem shiteng ba la dep. Kata wat hapdeng ka jingwan lyngshop ka jingpang Covid-19 bad ka sorkar ka la trei met bad mynsiem na ka bynta ban kyntiew їa ka rukom im jong ki paidbah nongshong shnong ha ka jylla hi baroh kawei.
U la ong ba la sdang ruh їa ka prokram kaba heh duh ha ka Jylla їa kaba ka Jylla kam pat ju їohi. Kane ka dei ka FOCUS bad ka FOCUS plus programe ha kaba manla u snem ka don ka jingthmu ban ai jingїarap sha ki 4 lak 50 hajar ki longїing bad mar 10 hajar tyngka ka wei ka longїing ha kaba 5 hajar tyngka yn phah sha ki Account jong ki producer groups bad san hajar sha ki Account shimet kum ki dkhot jong ka Producer groups. Kane ka pisa ka long ban pyndonkam na ka bynta ki jingdonkam kiba kongsan eh.
Halor ka Piggery Mission, u Conrad u la їathuh ba ka jingdawa ia ka doh sniang ka long kaba jur bha ha ka Jylla, hynrei ka jingpynmih їa ki snїang ka long ba duna haduh katta katta, ha kaba palat marshiteng їa ka jingdonkam la hap ban shalan na shabar. Kumta lyngba kane ka Mission la thmu ban pynlong їa ka Meghalaya ka Jylla kaba shaniah ha lade hi na ka bynta ka doh sniang, khnang ba nangne sha khmat yn ym donkam shuh ban wanrah na shabar bad lada lah ban leh їa kane, ka pisa baroh kan tyllun beit hapoh ka Jylla ym shabar na ka Jylla.
Through the Rural Backyard Piggery & Poultry Scheme- ‘PROGRESS’, high yielding variety of pigs and kuroiler poultry birds were distributed to farmers in Nongstoin today.@PRupala pic.twitter.com/0IjWjzzVMw
— Conrad Sangma (@SangmaConrad) October 18, 2022
U la ong ruh ba ka don ka YESS Meghalaya Programe bad kane ka prokram kan їarap ban kyrshan їa ki samla, khnang ba kin lah ban kyntiew їa ka sap ka phong la ka long ha ka sport, ka put ka tem bad kiwei kiwei. U Myntri Rangbah u la kyntu їa ki paidbah ban shim kabu їa kane ka jingїarap bad u kyrmen skhem ba kane ka jingїarap kan long ka jingmyntoi kaba na ka bynta jong ki.
U MLA ka Nongstoiñ bah Macmilan Byrsat u la ong ba naduh ba ka Sorkar MDA kala shimti ia ka jingsynshar ha u snem 2018, kala sdang ban ai skhim ha man la ki shnong, ha man la ki dong.
Une u MLA ula ban jur ruh ba kane ka Sorkar ba mynta ka dei kaba don shisha ia ka mynsiem ban shakri ia ki paidbah ka Jylla da kaba wanrah ia ki skhim bapher bapher. U ong ba kane ka sorkar ka dei shisha ka Sorkar jong u paidbah ia kaba lah ban sakhi na ki kam ba kane ka sorkar kala trei ha kine ki saw snem shiteng.
