Shillong Risaw 18: Watla ka lyer elekshon kala sdang ban beh haka jylla, klem poi pyrkhat uwei u samla ula leit ban kawang da u bitor iaka ïingsah jong u kyrtong ka NPP u Bah Ransom Sutnga kaba don ha Mawkhar.
Kane ka jingjia, kala jia dang step phyrngab haka Lah Sngi u Blei, ha kaba la shem lyngba CCTV Camera ba ula mih na kawei ka kali bad ula kawang da u bilor iaka ïingsah jong u Bah Ransom uba long ruh u Assistant Rangbah Shnong jong ka Dorbar Shnong Mawkhar.
Halor kane ka jingjia, u Bah Ransom ula leit ban ujor da ka ejahar ha Lumdiengjri Police Station.
U Bah Ransom ula ong, kila don kumba 4 ngut ki samla kiba la wan da ki kali ha kaba kila ieng hakhmat ïing bad ka pyrta haka bom, ha ka bom bad kila kawang da u bilor kyiad iaka khyrdop jong ka ïingsah jong u.
U la iathuh, ba ki pulit kila iohkem ia une u samla uba la donkti ha kaban kawang bilor iaka iingsah ka jong u.
U Bah Ransom ula ong, ki nongkyrshan ki jong u kila bitar ia kane ka jingshah kawang bilor hynrei ula kyntu bad pynsngewthuh iaki ba kidei ban long kiba jai jai namar ba kum kitei ki jait kam kim long kiba bha ban leh hynrei haka jingjied nongmihkhmat sha ka ïingdorbar thawaiñ ka jylla kadei ban long haka lynti kaba khuid ba suba.
