Shillong, Naiwieng 20 : Ka Meghalaya ka don jingangnud ban long ka nuksa ha ka pyrthei ha ka kam jngohkai kaba don jingkitkhlieh da kaba pyniakhleh lang ia ki rukom treikam kiba lah ban pynneh pynsah ia ka mariang bad ka jingiashimbynta lang u paidbah nalor ka jingthaw ia ki lad kamai kajih, ong u Myntri Rangbah Conrad K Sangma ha ka sngi Thohdieng.
Haba ai jingkren ha ka Global Responsible Tourism Summit and Awards 2026, u Conrad u la pynkynmaw ïa ka jingïaid lynti jong ka jylla ha ka kam jngohkai ha kine ki phra snem ba la dep, bad pynpaw ïa ki jingpyrshang ban tei ia ka kam jngohkai kum kawei na ki bynta ba kongsan ban kyntiew ïa ka ïoh ka kot, ban thaw ia ki lad aikam aijam bad ban pynpaw ïa ka jylla ha ka pyrthei.
U Conrad ula ong ba ka sorkar ka la pynleit jingmut ha ka ban kyntiew ïa ka nam jong Meghalaya ha ka kam jngohkai lyngba ka kolshor kaba riewspah, ki dustur, ka put ka tem, ki jingbam bad ki jaka ba itynnad jong ka mariang, haba pynthikna ruh ba ki shnong ki thaw bad ki nongïashim bynta kin ïoh bynta na ka jingroi jong kane ka kam.
Haba ban jur ba ka kam jngohkai ba don jingkitkhlieh ka dei ban long kaba treikam ha madan, u Myntri Rangbah ula kyntu ban pynkhlaiñ ïa ka jingpyndonkam ïa ki kali elektrik, ki mar kiba lah ban pyut ha ka mariang, ki lad ban pynduna ïa ki jingpynmih jaboh bad ban shim ki sienjam ki ban ïada ïa ka spah mariang bala ai pateng ka jylla.
U la ong ba ka bynta jong ka sorkar ka long ban thaw ïa ki policy, ki jingtei bad ki lad jingïarap kiba donkam, khnang ban lah pynurlong ia ka kam jngohkai kaba neh.
“Ka jingangnud jong ngi ka long ban long ka nuksa kaba pawnam ha ka pyrthei ha ka kam jngohkai kaba don jingkit khlieh, da kaba pynthikna ba ka jingkiew sahphrang kan ïaid ryngkat bad ka jingpynneh pynsah ïa ka mariang bad ki lad kamai jakpoh jong ki paidbah,” la ong u Conrad.
U la ai khublei ïa ka Tnad Jngohkai ka Jylla bad ia ka Outlook kiba la ïatreilang ban pynlong ïa kane ka jingïalang, bad u la ban jur ïa ka jingdonkam ban pyntreikam ïa kane ka jingthmu sha ka jingmyntoi ka ban neh slem.
Attended the Global Responsible Tourism Summit & Awards 2026, reflecting on Meghalaya’s journey over the last eight years in building tourism as a driver of livelihoods, growth and global recognition.
Our focus has been to build the Meghalaya tourism brand through our culture, traditions, music, food and natural beauty, while ensuring that local communities and stakeholders grow alongside the sector.
Responsible tourism must go beyond conversations. It must reflect in our everyday actions, from adopting electric vehicles and biodegradable alternatives to reducing waste and protecting our natural heritage. Our responsibility as a Government is to create the policies, infrastructure and support systems to make this possible.
Our ambition is to set a global benchmark for responsible tourism, ensuring that growth goes hand in hand with sustainability and community livelihoods.
Thank the @meghtourism and @Outlookindia for their partnership in organising this important summit. Together, we must turn our shared vision into lasting grassroots impact.
— Conrad K Sangma (@SangmaConrad) November 20, 2026

