Shillong, Naiwieng 03 : Hadien khatsaw snem ba uwei u samla ula iap na ka jingshah dung da ka tari ha Shillong, ka Iingkashari kala rai pynrem ia u nongleh bymman bad hukum ban set along haduh 5 snem.
Une u runar u dei u Charles Marbaniang uba la shah tian bishar ha ka Iingkashari District & Session Judge ka East Khasi. Kane ka hukum kala mih ha ka 22 tarik Risaw haba iadei bad ka jingiap une u samla kab la jia ha ka 8 tarik Risaw, 2012.
Ki Pulit ki iathuh ba kane ka jingjia kala paw pyrthei hadien ba ki Pulit ka Contonment Beat House kila ioh ia ka khubor ba u Charles uba dung da ka tari ia u para jong u nongmudui ejahar. Une u lanot ula mynsaw bad iap noh hadien.
Ia kane ka case la register ha Sadar Police Station hapoh ka kyndon 304 Part-I IPC. Ia u Charles la kem da ki Pulit bad ia ka chargesheet la aiti ha ka 1 tarik Naitung 2013 hapoh ka kyndon 302 IPC.
Ka Iingkashari ka pynpaw ba u Charles ula dep shong phatok lypa shibnai bad 29 sngi. Kumta, mynta un shong phatok sa 4 snem, 10 bnai bad 1 sngi bad siew ia ka kuna ba T.30,000. Lada um lah ban siew ia ka kuna un hap ban shong phatok sa lai bnai.
Ia kane ka case la tohkit da u UBSI R Ranee uba don mynta ha Mawdiangdiang Outpost, Shillong.
