Shillong, Risaw 29 : Ka Tnad Public Health Engineering (PHE) kala pynmih ia ka jingbthah halor ka jingshngain u paidbah hashuwa ban sdang ia ka jingtest bad jingplie ia u pipeum ba heh 300 mm ba shna da ki ductile iron (DI) hapoh ka Greater Shillong Water Supply Scheme (Phase-III).
Ka jingtest ia u pipeum ban poi sha ka top um ha Mawpat kan sdang ha ka 30 tarik Risaw, 2026.
Ka jingtest kan kynthup ia lai tylli ki bynta ha kylleng ka sor Shillong, Kine ki kynthup ia ka Keating Road, marjan ka Lady Keane College, sha Polo lyngba ka Police Bazaar bad Jail Road na ka suro PWD, Jail Road sha lad Polo Tower ha ka lynti Municipal, bad lad Polo Tower sha Langkyrding ha ka surok PWD.
Ka Tnad ka bthah ia ki nongshongshnong bad ki nongleit nongwan ba kin kiar na kine ki lynti iaid ki pipeum ha kine ki jaka ha ka por ba leh ia ka test bad sdang pynpoi um na ki pipe.
Kane ka jingbthah ka thmu ban tehlakam ia kino kino ki jingjia ki bym lah ban tip bad ki jingjia aksiden kiba lah ban mih na ka jingleh test. La kyntu ia ki paidbah ba kin phikir bad pynjngai ialade na kine ki jaka.
